我既倉鼠肚仔柯

肚痾好容易搞到脫水, 一定要確保佢有飲水
而且爛便便有好多菌, 要勤清潔
同時諗下點解佢會肚痾, 俾得太多菜? 食物壞左?
咁先可以避免有下次
如果情況持續, 請book獸醫
唔好話好貴, 冇錢, 倉鼠都有生命, 你作為主人有責任負擔佢醫療
上網search大圍珍禽異獸, 搵個電話
book dr tiger/dr james/dr zoltan啦, 要指家獸醫, 因為唔係個個識醫鼠

養寵物要養得好, 一定要自己搵資料
唔好等人o係呢度答你
我可能答到你今次, 咁下一次你有問題, 係咪又等人黎答? 好急都照等?
倉鼠o既資料網唔少, 你要搵冇理由搵唔到
去forum爬文亦係一個好方法學多d

你話佢生存左兩個月都未死, 我知你唔係惡意咁講
但倉鼠o既生命比起較大o既動物, 真係好脆弱
唔好以為而家冇事, 將來都唔會有事
我有隻倉鼠係好突發咁出事, 然後走左
所以一定要有足夠o既儲蓄做醫療基金

怕人方面, 就要主人好好同佢建立關係
例如伸手餵下佢食野, 到佢唔抗拒先摸
詳情請自己上網搵/去forum爬文