他還love我嗎?(2)

1. 當然會! 你知唔知無論係幾多歲嘅男仔, 都會好注重一樣嘢 - 自尊心!
而你已經唔只一次傷害佢嘅自尊心! 你今次唔只係錯咗, 係超錯!
如果我係佢, 唔好話鍾意你, 連普通朋友都唔會再同你做!

第一次係佢開到口話鍾意你, 但俾你拒絕, 仲要係拒絕成十幾次! 第二次
係佢咁關心你點解冇返學, 你唔感激佢咁關心你, 竟然仲話唔鍾意佢咁做!
第三次係今次, 竟然衰到同佢話不如大家做番朋友就算! 有冇搞錯啊!

你究竟當佢係乜嘢? 係人定係狗? 你想同佢一齊, 佢就要陪住你! 你唔想
同佢一齊, 佢就要自動彈開! 就算係狗都有感情同自尊, 更何況佢唔係!

2. 只要佢稍為有啲骨氣, 都冇可能再鍾意你, 甚至做普通朋友! 除非你肯
同佢好真心咁道歉, 仲要應承佢以後都唔會再傷害佢, 你哋先有可能好番!

至於你同佢嘅將來得三條路! 第一, 同佢公開拍拖, 唔理屋企人嘅反對!
第二, 同佢玩地下情, 呃住屋企人先, 但一定要佢同意先可以咁做!
第三, 如果你一定唔想屋企人唔開心, 就只可以同佢做番普通朋友!

至於揀邊樣, 就要睇你究竟係唔係真係鍾意佢, 同埋鍾意佢有幾深!

希望幫到你