幫我只倉鼠沖涼問題...

唔洗好多..又唔好太少...3~4外賣(更)

2~3日一次同埋我通常d粉用2次先換..

2011-10-01 19:11:26 補充：
3~4更(外賣果D是更)

首先兩隻鼠, 你有冇一鼠一籠? 如果冇, 請你盡快分開兩隻倉鼠!!!
倉鼠係獨居動物, 有地盤意識, 好容易打交! 同唔同種, 同唔同性都係
呢一刻可以好fd一齊訓, 下一刻可以大打出手! 一打就可能會傷/死!
仲有, 如果兩隻鼠係一男一女, 仲會生bb! 一生可以生幾隻甚至十幾隻, 你養唔養得哂?
如果生左10隻, 加埋鼠爸媽就要12個籠!
仲有, 醫療方面o既儲蓄就要12倍! 照顧o既時間又12倍!
所以記住一鼠一籠!

你問o既問題, 上網搵下資料, 去forum爬下文都會搵到
我答到你呢幾個問題, 但你可以仲有其他問題, 唔係次次都有人答到
養寵物一定要自己主動搵資料先可以養得好!

倉鼠其實會自己清潔, 只要勤洗籠, 就唔洗幫隻鼠沖涼
因為沖涼沙/粉對佢個鼻唔係幾好
但都可以用沖涼沙/沖涼粉, 可能1個月沖1次咁 (除非佢真係好油/污糟)
沖涼沙: 放沙入個兜, 放隻鼠入去等佢自己碌, 但唔係隻隻鼠都識碌
沖涼粉: 整落隻鼠個背脊, 唔好整到頭, 然後卒
沖涼沙最好用完就掉啦~ 一包都唔少, 而每次用唔多, 唔好太慳

你可以買一些只用在倉鼠的沖涼粉，如果倉鼠身體不適時不要繼續用沖涼粉（提一提：記住要看醫生幫鼠鼠）