韓國首爾5天自由行

我啱啱係9月9日才由首爾回來6日5夜,我唔識韓語,但好多商店都有識普通話的人,如果唔識用計數機襟價錢,當然如果想問多D野唔識韓文就真係難D,身體語言啦！景點我去了景福宮,首爾塔,鷺梁津海產市場及戰爭博物館,shopping就去了坡洲factory outlet,南大門,明洞,住係東大門Acacia Hotel,呢間酒店麻麻地,佢係乙支路4號及東大門歷史文化公園中間,唔係近唔近地鐵,而係呢間酒店既設施唔好,有一個細窗,開窗就無玻璃走晒D冷氣,間房燈光好唔夠,連睇雜誌都唔夠光,馬桶及花洒有獨立磨沙門,但無大門超唔方便,即係你係裏面做物都比人睇都個影.
東大門D商場都開到零晨,好多野行,我行Hello apm好多衣服都係韓製,睇啱一定要講價,我買咗件短身乾濕褸,開價W$108000,還價後W$55000買到,佢地會比個計數機叫你還價幾好玩架！^^
東大門附近有好多批發食物的店舖比南大間平好多,我係南大間買咗石榴茶,W$6000/盒,係東大間W$3000/盒,平一半,好彩係南大門只買了一盒,於是係東大間再掃貨.睇吓你啱唔啱喔~~

個人覺得首爾比較適合shopping地方多,景點都幾老化,遊人唔多,我對追韓星又無興趣,今次行程只是不斷食食食,香港韓食好貴,去到韓國價錢超合理,食番夠本！哈哈！

每日大概10-11am出發,DAY 1: 約7:00pm到酒店後往東大門找吃晚飯 DAY 2: 景福宮/南大門 DAY 3: FACTORY OUTLET DAY 4: 鷺梁津水產市場/明洞/N首爾塔/明洞吃全洲中央會館石頭飯(好味！) DAY 5: 戰爭博物館/梨大/東大門 DAY 6: 12:00 CHECK OUT後往東大門附近街市入貨/安國站吃年糕鍋/仁洞寺 3:45pm回酒店取行李往機場

旅途愉快！

而家有d網站可以幫人安排晒成個行程。由機票, 民宿/酒店, 到行程安排一次過幫你搞掂. 自遊旅程 - 一站式自由行旅程: http://sites.google.com/site/travelfre/* 代訂機票
* 代訂民宿, 酒店
* 代編行程