分離式馬桶既水箱入面有D野斷左..點算

嘉誠兄，你話「個水箱高到就快到天花板」，呢層你唔使擔心，佢雖然快高長大，甚至依家已經高過你，不過根據我既經驗，佢應該唔會再高乜滯。

個水箱可能斷咗條鍊，或者個銅鈎甩咗斷咗。如果你超過10歲既話，要睇咩事係冇乜難度，你搵塊鏡揸住，擔張高櫈，企上去，我意思係企上張高櫈，唔係水箱頂。放低塊鏡，用兩隻手捧起個水箱蓋，如果水箱蓋兩邊有膠羅絲你就擰甩膠羅絲，不過睇怕都應該唔會有乜滯。捧起水箱蓋之後，放低水箱蓋，執番塊鏡，將塊鏡舉上水箱頂，望吓塊鏡，你就會睇到有乜唔妥，跟住伸手上去整番好佢。就算你搵師傅返嚟，師傅都係要伸手上去整。

潛水艇喺水下面可以睇到水上面既海鷗都係靠呢種方法，只不過再整多一塊鏡放喺下面俾人企喺下面睇咁解。

如果你嫌將塊鏡拎住又放低跟住又拎番好白痴，你可以用口擔住，或者夾住喺隔 lark 底都ok。

呢d咁簡單既嘢唔使搵師傅啦，慳番d錢買嘢食咗佢好過啦，又可以有滿足感，又可以有征服感，係咪？

2011-09-29 22:28:17 補充：
樓下嗰位先生，你又叫做嘉誠？你地唔好咁玩我喎。

你講得啱，可能有d窿爛咗。
拉繩果個沖水制喺水箱入面有條嘢連接住出水果舊黑色軟膠閥，扯起呢舊膠就會爸爸聲沖水落嚟。你睇見邊度甩咗就駁番佢，邊個零件爛咗就拆出嚟攞去五金舖配。

俾你睇睇基本結構圖﹕
http://59.120.0.37/scdiscuss/deco/c6-01.gif

如果有水阻住睇唔清楚，你可以先關咸水制，放哂水箱d水然後慢慢研究。
明白結構就自己執生。18歲既後生仔係好精靈，俾d信心，動吓腦筋，一定成功。

所有動作都係靠你果塊照妖鏡，牙醫都係咁樣照番你隻牙俾你睇。

2011-09-30 22:22:18 補充：
嘉誠兄﹕

我唔提議題主用相機影低水箱內部結構慢慢研究，係怕佢慣咗手勢之後會喺街影女人裙底然後番屋企慢慢研究內部結構。

915:你放心..呢D野得你呢種人先會做既姐^^

如果你決定找師傅,不如換個新嘅(膠)水箱,因修理和更換嘅價錢差不遠,仲有你現在壞了一配件,可能不久壞另一配件(因老化).如果唔想個水箱快高長大,可換低箱,不過低箱嘅沖力唔夠高箱強.最後水箱要買英國產,耐用D!

915兄講少了兩個可能，可能個泵個耳蕯爛咗，可能拉繩對上塊膠耳蕯爛咗。

915兄：你好似寫小說一樣，長編大論，題主准備上梯看個夠境，見到你這編文章，唔敢上........


2011-09-30 08:16:52 補充：
915兄：
兩個名都不同，一個中文、一個英文，我地從來都沒有玩你，只有贊償你、敬佩你，你係行家中答問題詳細、字多係人都知。

你為何不提議題主用相機影低水箱內部結構慢慢研究。