假結婚和重婚律師費將多少？罪成最有機會面對的刑罰？

1. 基本上佢會被控告香港法律第200章<刑事罪行條例>第34(a)& (b)條 - 有關婚姻的虛假陳述,即係俗稱假結婚. 2. 理論上佢犯埋重婚, 但一般會告大唔告細, 所以只會告假結婚.3. 高院法官韋毅志在前年5月處理一宗裁判法院假結婚上訴時指出: “假結婚因涉及以假文件欺騙政府, 令其在行政管治上作出在一般情況下不會批准的決定, 而影響到公眾利益及其管治威信. 所以應判處監禁.” 雖然裁判法院上訴案唔能夠成為案例, 但仍會被其他法官作參考. 所以你親人假結婚會以12個月監禁為量刑起點. 佢在唔同時間犯法, 兩罪會分開處理, 即係會判監24個月. 認罪就減三份一, 即係大約判16個月.4. 正如樓上edmond兄所言, 大狀 / 律師收費各有不同, 好難一概而論. 但我可以俾個參考你. 以一個10年資歷嘅大狀計, 唔認罪嘅話請大狀上裁判法院打官司第1堂大約收$22000,之後每堂大約收$11000.打一場假結婚大約5日, 即係淨係個大狀收費大約係 $22000+ $11000 x 4 = $66000. 而律師收費通常係大狀收費嘅一半, 即係大約$33000.再加影印等雜費, 總收費大約要十幫蚊. 如果佢認罪, 只係過堂 (由律師做)、認罪及求情, 只需大約2-3日, 涉及文件又少好多, 大狀收費大約係 $15000,律師收費大約$8000,總收費大約$23000.

假結婚屬香港法例的《刑事罪行條例》中，有關婚姻的虛假陳述等的條文說明；如一經定罪，最高刑罰可監禁7年及罰款。

律師行業是沒有劃一收費標準的，是以資歷和名氣做區分，名氣越大收費越高，可說是非常參差的。