狼狗幼犬問題 (佢唔多听我話)點算好??

1. 狗狗現在這樣情況很正常.
佢黎左幾日, 都未認識你, 更加未知你係主人, 點解要聽你話? 點解唔可以佢係主人, 你聽佢話?
狗是天生本能要爭取領袖地位的.
所以你首要做的事, 要確立你當領袖的地位. 但也不要忘記, 狗狗要時間適應環境, 學習家中規矩.

2.. 狗不是天生就會聽人話. 佢都未知"no"的意思, 當然唔聽la.

3. 狗仔出牙就自然會咬野. 你唔俾佢咬係你違反自然.
所以, 首先係你要收好唔想俾佢咬到ge野. 咬爛左你唯有怪自己收得未夠好.
其次你要預備一些佢可以咬的東西, eg. 咬骨, 玩具. 佢發牙痕想咬野, 你就叫佢咬呢d, 並加獎勵.

4. 狼狗自尊心較強, 佢未認定你係主人, 越打只會越反叛. 用正面獎勵方法會更有效.

5. 佢現在2個半月, 我應唔應該開始小小訓練佢SIT,HAND等等?
可以教, 不過佢要時間學.

6. 強烈建議你多看訓練犬隻的資料, 或帶同狗狗參加犬隻訓練課程 (愛協也有開班), 又或請 dog trainer上門教授.

7. 狼狗係 one man dog, 邊個做佢領袖佢就聽邊個話; 冇人夠佢強, 佢就做群體領袖聽自己話惡晒.
所以你一定要確立好領袖的地位.

Good Luck!

ps. 香港法例規定, 20kg以上狗隻在室內公眾地方必須戴口罩, eg. 升降機, 大堂.
所以為自己將來方便, 現在第一次出街就要戴口罩. 否則佢將來長大了才戴, 到時未必肯戴.
除非你完全沒有這需要.


2011-10-03 00:43:47 補充：
是的, 自己養的是一只狼女, 已經快6歲了.
可點擊我的名字進入本人檔案, 寄信給的繼續交流.