2隻女倉鼠可以一齊同居嘛?

唔可以!! 倉鼠係無論同唔同性別, 同唔同品種都會打交!!
睇下寵物店o既鼠, 細細個都已經有地盤意識, 打到頭破血流!
佢地唔同天竺鼠, 天竺鼠2男可能會打交, 2女可能冇咁易打, 有D天竺鼠鍾意同伴
但倉鼠本來就係獨居動物, 一定要一鼠一籠!
(我試過拎住隻倉鼠女, 佢聞到另一隻倉鼠女留低o既氣味, 都即刻咬到我流血! 如果佢地見到面, 後果會係點? 一定打到流血!)

為乜要一籠多鼠? 為左見到佢地一齊訓教, 好得意o個個樣?
咁有冇諗過後果係點?
你點知佢地幾時會突然大打出手?
一打可以打傷/打死!
網上都有好多倉鼠打交o既片, 仲有倉鼠食倉鼠屍o既片!
打傷o既後果: 隻鼠受苦, 主人要花費同佢睇獸醫療傷, 仲要快更多時間同心機照顧受傷o既鼠 (順道一提: 倉鼠都需要醫療基金! 佢地都會病, 而醫藥費一d都唔平!)

唔好話見到外國有人一籠多鼠
外國人o既倉鼠籠一般都好大個, 空間絕對多過香港地, 而且佢地一籠多鼠, 都唔代表倉鼠唔會打交!