再請peterchan7708幫忙解答. 謝謝

我又係果句, 你己請律師, 你實在應問你律師, 並以佢意見為準. 我咁答你, 會得罪d小氣行家...1.a. 如果你前僱主遁民事追討賠償, 你嘅居屋會被釘契. 1.b. 間屋被釘契, 無錯係不能轉名 / 出售, 但可以自住.2. 唔係咁簡單嘅. 你層樓有按揭, 即係你間按揭銀行會被拖落水, 唔係淨係告你. 你前僱主會告你, 並將按揭銀行列為第二被告. 佢會告你虧空, 要求回水. 贏咗後你無錢還, 就要法庭俾個order強制按揭銀行賣樓. 按揭銀行會call你loan, 即係要你一筆過還按揭, 無得還就收番層樓, 以銀主盤方式發售. 得到嘅款項會先扣除你欠按揭銀行同政府補地價嘅錢, 再俾一半俾你先生, 剩番嘅就歸前僱主. 2.a. 要到上咗法庭 (民事), 個官判咗你輸, 你前僱主先可要求法庭強制你賣樓. 2.b. 釘契和要求法庭強制買樓並非同時進行.2.c. 未必要執達史嘅. 你自願搬出就唔使囉. 2.d. 係以銀主盤方式發售2.e.無定喎! 佢幾時告你係佢自己決定. 不過一般會等你被判有罪後先做嘢,因為攞住張判決書嚟告你, 佢做少好多嘢同埋一定贏.3. 無得反對. 係非佢攞錢代你還俾僱主或者佢攞錢買咗你果一半業權.4. 見 (2). 餘額佢可以告你破產. 但一般未必會咁做.5. 係. 因為: 第一, 你自己賣樓, 個價會較銀主盤好. 第二, 如果按揭銀行收番層樓以銀主盤方式發售, 會嚴重影響你同你先生嘅信貸評級. 你哋基本上以後唔使旨意借到錢, 現有嘅債主 (P-Loan,信用卡etc.) 亦會call你哋loan. 你自己賣樓就可避免以上情況. 但係你先還咭數再還僱主就有問題. 你僱主唔計較尤自可, 否則佢可以當你資產轉移, 而向法庭申請判你個買賣無效. 第三就係你有還部份錢還俾僱主, 係有力嘅求情理由, 會判輕少少.6. 理論上可以, 實際上好難搞. 理論上你同先生離婚, 你哋同意將你果50%俾小朋友做生活費, 咁樣做涉及你將你果50%業權以信託方式轉咗俾小朋友. No problem. 但實際上, 你間按揭銀行會第一個舉腳反對. 而且基本上要睇你僱主幾時告你及你僱主係乜嘢人. 如果係大銀行 / 大公司, 分分鐘現在己經 / 準備申請個moravian injunction釘哂你資產.
私人話: 老實講, 小朋友住邊有乜所謂, 都係香港啫. 而且你唔知你單嘢會搞到幾大, 可能轉吓地址轉吓學校重好.
你個LE有無教你上庭注意事項?