中三選科問題,20點!!!!!!!!!!!

我可算是個過來人，希望你能參考我的意見。(現讀中文大學酒店及旅遊管理)
揀科其實同你讀的中學並無太大的關係，不過仍然是一個對你人生重要的里程碑。文理商三科的要求一定不同，不過其實無論你讀甚麼科目，都一定會有野背，所以唔止文科多野背。
揀科指標：
1.自己的能力：你應該好好運這一年感受一下自己的強項，因為無論你選甚麼科，最重要是你能應付到相關科目的內容。
2.自己的興趣：雖然你上面話冇對某一科有很大的興趣，但你始終不會對所有可選的科目的感興趣度也一樣，你應對感興趣的科目加深了解，那便有助你選科時的決定。
3.前途問題：按道理理、商科在選大學學科的機會是有優勢的，因為文科在選科上有局限。不過你現在不用太擔心大學的學科，因為那是一場按成績的遊戲而已。
4.課外活動：在課業上優秀外，課外活動亦是有助你前途的一個途徑。當每一次有合適的機會時，你應主動爭取，擴闊自己的視野，那你的前途也不會太差。

如果你課上有問題，可以在[email protected],hk 找我，我也希望能夠解決你的問題。

你好啊,我都係選科既過來人,而家已經讀左1年選修科啦.希望我D意見幫到你啦.
的確一開始呢,好難發現自己對咩科有興趣,而且成績又係麻麻,但係我覺得你真係要比多D心機去發掘下囉.

如果你唔係真係好討厭讀書,你應該有D堂會特別中2多少少既,有無呢?
有無堂係你上個陣都有少少期待同埋高興呢?少少興趣?
如果有既話,咁你可以考慮選相關既科目~

如果係無既話,咁我會建議你選一D你係有信心讀得比較好既科目.
IF你數學勁,咁就選D數理科目,如果你文科勁,就讀史科.
因為你選返自己叻D既科目,成績上較有保證,同時你既信心高返既時候就可能會衍生興趣.

理科的確係難讀既,好多人都係以為簡單,但上到去發現唔係想像中咁好讀,但係相反亦有人係真心有興趣,願意好好好努力讀,我覺得如果你係呢種好努力既人,讀都唔係問題,如果你本身理科成績係唔錯,更加好.總之理科一句講係難既,但係你要記住科科都有難位,所以唔係一個大既考慮.你可以諗下你有無心讀同埋數理成績如何.如果好既,OK,如果唔好既,我覺得可以選擇放棄.特別係化學科係難到有人後悔既.物理都係睇數學,生物應該最易讀,有心可以諗諗.

文科通常都係2科史科,文學類科目.唔知你學校點.無錯,背既野係多既,事實黎.但係我個人覺得選世史科係OK既,因為聽講讀既野選係比一般科目少,絕對唔洗驚教唔哂書.係一科相對好讀既科目.當然你一定要背野啦,但係如果你數理差想選文科呢科會係好D既選擇.至於中史我就覺得要求都幾高既,背既野同時多好多下.但係又係個句,你有心讀就無問題.我個人覺得你背足,技巧做足,都唔會話太低分.
不過史科有個問題就係寫字要快,如果唔係你會好輸蝕.不過同樣好以訓練出黎,唔洗太擔心.

商科我個人唔清楚(無選),我估又係數口好既人選擇既野啦.聽講初時係簡單既,但係唔好太睇小呢D科,愈來愈難的.所以你可以睇下點/問下老師,家人對你讀商既睇法.都係個句,數學唔好既,慎思.真係有心讀既,可以考慮!

唔知你學校有無D科目係特別D:宗教,資訊科技,文學,音樂......
我覺得又係可以考慮點配搭,但係有個大方向會好D(姐係文/理/商)其實而家仲有大部分學生跳唔出呢個框框,所以可以睇下你點睇!

我係文科為主+少少理科既,數學太差,所以比唔到咩好既理商意見你.以上資料比你考慮啦!

我今年中四,
我間學校band2尾,只需修讀2科,
而我就讀緊生物同企會(企業、會計及財務概論).

我對生物有興趣,成績好,所以就揀佢.
我覺得好易,記下d生物原理等等.

至於企會,大部分人都好陌生,因為未讀過,
不過聽同學講話會計師收入好多,
你數學0k就可以揀.
企會一開始講營商環境與管理導論,
全文字完全冇數學,
因為大部分係d課本知識同商業的專用名詞,
會比較沉悶,

我建議你唔好"人讀你又讀",盲目跟風,除非你真係對人地選的科目有興趣.
同埋中3要留心d聽書,因為全級排名越前,可以越早揀,加上每科名額有限,
如果你排名好後,比人揀晒你想揀果科,學校只會編你去d少人揀嘅科目,
科目揀咗就要讀3年,你都唔想3年讀d自己唔鍾意嘅科目啦!
所以你要加油呀!
今年好多人都會特別比心機,就算係c,d,e班都一樣,小心比人追過你.

2011-09-23 20:43:40 補充：
我對大個做咩工作都冇乜考慮過,
不過我修讀生物同企會,
大個最好做會計師、園藝師等等,
收入也不錯的.

同埋,老師話香港對會計師嘅需求好大,
公司、學校全部都要會計師.

通常中三不用特別另外選科,因為學校通常只辦一種科目.例如中五是理科班,多數一路都是理科.

但學生有時可以選一科,這時你可以選擇.