我激嬲左個女同事，如何辦?

本來，我 (男仔)識左個女同事，大我三年左右，本身我地有時會一齊食飯，一齊收工的時候走，或者佢有時會同我傾訴工作上的問題，或者想我幫她做私人事.....她撞見我的時候，間中會帶點微笑......

我本身對她有少許好感 (因為她有時會在我有問題的時候幫了我)，而她亦都是視我係幾friend那隻。我一直以好朋友的心態對待她 (但我沒有同佢講過)。不過，她曾經話佢有男朋友.....

在前一個星期多d，不知何解，我本來想打電話比佢，但係冇人聽。於是我之後send左SMS，但都係沒有回覆。

之後當我有一次撞見佢的時候，佢好似有心想避我。於是我同佢傾，佢話: 「唔好咁上心啦。如果我做的野令你不高興的話，你唔好介意」，想我當佢普通同事。

不過，我打算想同佢講件事唔係上唔上心的問題，而係我的原則問題 (因為我唔鐘意人地見到我就避我，男或女都係)的時候，佢一係打斷了我的說話，一係就沒有聽。於是乎我開始有一股重的怒氣了。

我之後同佢講 (唔係鬧人的重語氣)，話佢做的野開始觸及我的底線 (因為我沒有向她施怨，但她竟然無端端對我態度不好)。之後有一次撞見佢，我當佢透明。

那次後，她對我的態度完全不同。我想同佢傾，她都好似不睬我。有次撞見佢，佢都沒有正視我.....

發左脾氣的第二日，我想佢聽我的解釋，但佢唔肯聽。佢仲話叫我唔好打電話比佢及SMS佢，佢話好煩......

直到而家，我覺得很後悔，竟然鑽了這麼大的牛角尖。心裡一直都好唔開心，因為我突然冇左個工作上的好好朋友 (因為我以前的工作好難識到一個對我好的人).....

這兩天，佢有時候在我隔離，我無意望到佢，但佢的眼神與之前的很不同。

我而家其實好想同佢道歉 (想同佢say sorry，同埋同佢講自己鑽牛角尖等等)，很想她好似以前咁對我，就已經足夠了。我唔想好似而家咁，大家關係差晒。呢件事已經困擾了多時了。

我而家可以點做? 我已經再沒有打電話及send SMS比佢了......

件事已經過了一星期，是否到了時候向佢道歉? 唔理佢 (即係唔同佢傾計)? 等件事過 (一個月，定係更長時間)? 同佢講其實自己一直只對她是好朋友? 定係...?