✔ 最佳答案
本來你己請律師, 因為professional courtesy, 我係唔會答嘅, 廢事得罪行家. 但我朋友[天佑小王子]叫我答你, 及見你個 LE同你好似溝通有問題, 就俾少少意見你參考吓, 希望幫到你.1. 你無講案情, 唔知有無違反誠信 (breach of turst). 但斷估成 80萬, 都唔會係喺街拾遺不報啦… 都係涉及穿柜桶底多. 違反誠信係一個加刑因素 (enhancement factor), 並非一個罪行, 所以唔會“告”你違反誠信, 只係判刑時法官會考慮你有無違反誠信, 有嘅話會判重d. 第一堂只係 mention, 唔會問你認唔認罪. 你單案涉及80萬, 唔會喺 court仔審, 會轉介去區院審. 就算你認罪, 都會轉介去區院判刑. 所以你幾時認罪並無關係, 因為唔會由 court仔法官判刑. 你個 LE可能搞錯咗…2. 唔會. 總之開審前認罪, 就有1/3刑期扣減.3. 未必. 會攞背景報告及俾時間你個狀準備求情.4a. 無分別.4b. 盜竊罪並無判刑指引, 法官只會參考案例. 最接近你嘅案例係 HKSAR v CHEUNGYING KIT VICKY. 案中被告係公司總經理, 穿咗公司柜桶 $879,688, 被控 25條盜竊罪, 唔認罪, 無案底, 經審訊後被判總刑期 3年. 你嘅判刑起點會係差不多 (3年), 但如你認罪就可減 1/3, 即係判刑大約判 2年.5. 無機會. 銀碼大、有 BOT、無錢還, 判 2年重想點!?!4. 有無錢還都唔會索取感化報告. 因為根本唔會判感化. 人人犯罪後都說有悔意啦! 法官日日聽, 唔會俾好大比重.5. 如果真係索取感化報告, 你可申請保釋候判.6. 可以. 連你喺差館拋臭格扣留果d時間 (如有) 都會計番俾你.7. 裁判法院無錯最高刑期為2年. 但我再講多次, 你單case唔會由裁判法院法官判刑. 見(1).8. 判刑 2年係己經包括咗 1/3認罪扣減. 所以如果判刑 2年, 只會扣減 1/3獄中行為良好減刑 (俗稱假期), 即係實坐16個月. 私人話: 我唔知係你個 LE俾咗 d唔合適嘅意見你, 定係你自己一廂情願. 但正如 (5), 你單案銀碼大、有違反誠信、無錢還 (即係事主有捐失), 根本唔會判非監禁式刑罰(non-custodial sentence), 所以社會服務令、感化之類你唔使諗啦. 你應喺認罪前應搞掂 d “身後事”, 例如向公司辭職、安排家人代你交咭數 / 供樓、安排家人代你交租、安排供養父母 / 家人等等, 否則你入咗去, 屋企人俾人收數, 出冊時無屋住就無謂啦. 如果你諗住破產, 亦係好時機, 因為破產期 4年, 你入去坐 2年, 乜收入都無, 乜都唔使報, 變相縮短咗破產期. 你破咗產, 事主亦唔可以民事告你追番你果 80萬, 少隻香爐少隻鬼...
2011-09-23 10:17:31 補充：
註:
court仔 = 裁判法院
LE = 師爺 (律師行刑事訴訟主任)
mention = 提堂
