✔ 最佳答案
no3lunch講的黃膠較多人叫萬能膠,你去到五金舖都係講萬能膠吧。
買一塊底有坑、頂有木條的鋼皮,將萬能膠倒在板車上,用那塊鋼皮將膠均勻括遍整塊木面,放在一邊。然後又再將萬能膠倒在膠墊上,重複剛才的做法,跟住食支煙,不過地方一定要通風。雖然以萬能膠既揮發性嚟講就算係密閉場所都冇咁易引起爆炸,不過你會好high,平時唔多講嘢既人會忽然間好多嘢講,仲會圍住架板車氹氹轉!
等到八九成乾之後先好將軟硬雙方黏合埋一齊,手指唔好攝入去,不過就算攝咗入去都冇有怕,佢唔係AA膠,唔會痴住你隻手指。
留意一點,一旦鋪咗上去就冇得郁,所以一定要首先對準角位,黏住少少,真係少少。然後45度角秤高一邊,對準冇秤高果條邊,黏住少少,真係少少,然後用手逐d撥出去,整塊黏合之後,跟住用八月十五坐吓呢度坐吓果度,咁就會黏得好實好實,永不分離。
2011-09-20 23:25:42 補充:
括得薄薄的一層就可以了,千萬不要厚,八九成乾時用手掂是唔痴手的,但塗有萬能膠的兩個接合面貼在一起時卻神奇地黏得無法分開。