點解d男仔總係咁低能既??????

你千祈唔好俾班男仔玩番你啊!

你以為你鬧班男仔, 佢哋一句聲都唔出係好蠢, 而你就係好叻?
其實你先係蠢嗰個, 佢哋不知幾精! 點解?

第一, 香港係冇男女平等嘅! 只要有一男一女喺度嘈交, 大家唔會理邊個
啱邊個錯, 道理喺邊個度, 總之一定係企喺女仔嗰邊, 話個男仔錯晒!
佢哋先冇咁蠢同你嘈交, 等自己比人鬧冇紳士風度, 仲俾你去囉晒彩!

第二, 當你鬧佢哋嘅時候, 只要佢哋唔出聲, 就唔係互相嘈交, 而係你鬧人!
佢哋俾你鬧就梗係受害者, 可以得到同情, 而你去鬧人, 就即係變咗衰人!
你自己做咗蠢人都仲唔知, 仲以為佢哋好蠢, 你真係俾人呃咗都未知!

第三, 佢哋同你講: "姐姐唔好蝦我啊", 你真係以為佢哋怕咗你先咁講?
佢哋喺度玩緊你, 笑你係老餅啊! 另外我唔知你幾多歲, 但你鬧佢哋呢件
事, 我相信已經成間學校都知, 我諗都好難有男仔肯埋你身去追你!

由今日開始, 唔好再咁蠢俾佢哋玩番你啦! 你唔再鬧佢哋, 唔係為咗佢哋,
而係為咗你自己嘅聲譽, 而聲譽對一個女仔嚟講係好重要啊!

希望幫到你

你有冇d 對話既例子呀, 冇既好難解答喎.. (唔好自制呀你,我知嫁)