學多種語言問題! 請幫下我!!!!!

語言既野冇話學邊種先會好d既，當然幫助一定有，不過最重要都係睇你對邊個有興趣d囉。

如果你話冇邊個特別有興趣，我會建議你先揀d較熱門既語言黎學，
首先，咁多人學，除左部分人係見人學自己又學之外，一定都仲有好多人衡量過之外認為呢種語言比較有用先學；
其次，多人學既語言，相對黎講教材會較多，市面上亦都會有多d既課程可以選擇，對於初次接觸歐洲語言黎講，點都有一定既優勢。
如果以宜家香港既趨勢，法文同埋西班牙文係比較多人讀既歐洲語言囉。

至於係咪要識英文先容易學，我諗點都會有d幫助，因為學法文個d如果可以用英文黎解釋應該點都會比中文容易明d；但又唔駛勉強既，如果你英文唔ok既，咪搵間用中文教既黎學囉，只要老師好既，我認為關係不大。

「勉強溝通」係一個好籠統既講法，普通日常對話相信唔需要好多時間，只不過就算日常對話都係睇你講咩，如果講得比較深入少少，就可能要多d時間囉。

其實學習新語言除左上堂之外，你平時都係搵多d資源去訓練自己多聽多讀，咁先會學得好、學得快。

呢間學校有其中三個語言學(西、德、法)，你有興趣可以去睇下，
www.streamwisdom.com

不過仍然建議你搵多幾間，比較多d再去上堂，因為學野除左睇興趣，間學校適唔適合你都好重要，比較多d，對你總會有好處^^