韓國自由行問題

未夠18years old去唔去到真係唔知,照道理唔駛簽證應該入到境,打電話去韓國領事館/旅遊局問吓啦！

我啱啱係9月9日才由首爾回來,
如果你講首爾地區,景點我去了景福宮,首爾塔,鷺梁津海產市場及戰爭博物館,shopping就去了坡洲factory outlet,南大門,明洞,梨大,仁洞寺,住係東大門,其實每個地方都好近,不外乎4-6地鐵站好方便,除了factory outlet(但不建議去因多數是外國品牌,outlet價都好貴)
其實首爾消費個人覺得還行,參考吓旅遊書/blog都有人介紹,一件菠蘿W$1000/街邊年糕W$2000/午飯食年糕鍋3個人共W$14000,比起去日本消費差好遠喔~
如果不是去名店,應該可以消費得起.
買野記得試吓講價,特別係去南大門,東大門,我行Hello apm(東大門)好多衣服都係韓製,睇啱一定要講價,我買咗件短身乾濕褸,開價W$108000,還價後W$55000買到,佢地會比個計數機叫你還價幾好玩架！^^
東大門附近有好多批發食物的店舖比南大間平好多,我係南大間買咗石榴茶,W$6000/盒,係東大間W$3000/盒,平一半,好彩係南大門只買了一盒,於是係東大間再掃貨,睇吓你啱唔啱喔~~旅途愉快！

個人覺得首爾比較適合shopping地方多,景點都幾老化,遊人唔多,我對追韓星又無興趣,今次行程只是不斷食食食,香港韓食好貴,去到韓國價錢超合理,食番夠本！哈哈！