为什么中国要发展航天事业?

樓主問得真係好! 呢個問題我都想問大陸嘅領導人好耐: 點解中國要
發展航天事業?!

有人話, 因為中國唔可以成為落後國家, 會俾人睇唔起!

我想同嗰啲人講, 知唔知依家中國有好多人係冇錢食飯, 冇錢醫病, 同埋
冇錢讀書?! 又知唔知每年發展航天事業要用幾十億, 甚至幾百億?!

如果將嗰幾十億, 甚至幾百億用返喺人民嗰度, 知唔知可以幫到幾多人
有飯食, 有病醫, 同埋有書讀?!

就算中國嘅航天事業發展到世界第一, 但係搞到啲人民冇錢食飯, 冇錢
醫病, 同埋冇錢讀書, 一樣都係落後國家, 同埋更加會俾人睇唔起啊!

有人話, 人哋俄羅斯, 美國, 日本已經發展航空事業, 無理由中國跟唔上!

蘇聯俾人解體咗咁多年, 咁中國係唔係又要跟佢哋咁俾人解體先啱?!
美國俾拉登搞到一身蟻, 咁中國係唔係又要跟佢哋咁俾人恐怖襲擊先啱?!
日本大地震仲有埋幅射, 咁中國係唔係又要跟佢哋咁要有天災人禍先啱?!

人哋去死, 唔通我哋又要跟住去死咩?! 人哋做咗, 我哋再做係 "跟尾狗"
嘅行為! 真係想發展做一個強國, 就應該去做一啲人哋國家未做過嘅嘢!

我想同嗰啲人講, 知唔知中國叫做 "中華人民共和國"? 喺個名裡面, 只係
有提 "人民", 冇提過 "航天事業"! 喺共產黨最初嘅心目中, 人民先係最
重要嘅! 為咗航天事業而令到人民受苦, 簡直係對毛主席嘅一種侮辱!

最後, 中國要成為強國, 唔可以落後, 要繁盛, 要發展, 最重要嘅係所有
人民都有飯食, 有病醫, 同埋有書讀! 其他講乜都係廢話, 包括航天事業!

我無上網搵資料, 但講得完全冇牽強! 因為我講嘅係事實, 唔係擦鞋!

希望幫到你

我認為﹕
中國唔可以成為落後國家
而且仲係一個地大脈搏GE地方

根據歷史啲戰爭
8國聯軍打中國

由此可見
如果中國係咁落後
就會被睇唔起
被欺負

咁人地俄羅斯，美國，日本等等之地早已發展航空事業
無理由我地都唔沖出地球…

中國都需要發展
繁盛起黎
咁先稱得起強國

而且中國航天係宇宙探索後
我地都可以知道一啲資訊

巨體黎講
中國要成為強國，唔可以落後
要繁盛，要發展，要旺盛
要傳遞基本資訊比廣大市民



我無上網搵資料
應該講好牽強~
BUT 希望幫到你