我等左個女仔兩年!!宜家有機會,但我唔知點做

既然你同佢都萛熟,應該盡量搵機會大家多d見面閒談啦!
你講雖然唔同班,即係大家都同一間學校上課啦,返學放學都應該有機會同埋一齊行下傾下喎!
當然起初你好似係偶然遇到咁,打聲招呼,叫句早晨先,傾開就可以約埋第日一齊食早餐啦,或者約埋一齊放學搭車,一齊食午餐之類啦!
如果起初唔想咁快單獨兩個,就約多幾個同學一齊都得,總之唔好咁快擺明追佢,最緊要自然d,等佢開心d慢慢忘記左以前個男仔,咁你就有機會了!
人只要有多d機會見面,有多d時間傾談,自然就會產生好感情,所以你現在首先係盡量製造多d大家會面機會同時間,等佢對你產生好感,至於示愛呢個問題,要等時機成熟以後先再向佢表示啦!