受家庭工場發出噪音的煩擾

幾年前開始樓上既單位會間唔中發出『咚.咚』两下(鋤地聲) 嘈住我地 (大概20至30秒會發出一次). 起初我以為普通的裝修聲 但係之後日日都係咁 仲要係夜晚先開始直至凌晨一两點 之後我多次(超過廿次)向過管理署投訴, 我每次打去佢地會揾個人上黎聽下, 但係管理員一上到黎樓上就既刻靜哂, 跟住D管理員就話聽唔到(但係會跟進 but已經跟進左3年幾啦都仲未搞掂lo),

終於有一次管理員上到黎聽到樓上係度嘈 之後我即刻報警 D警察黎到又話聽唔到有嘈做唔到野 之後樓上既人好似知道我報左警咁 D警察一走就嘈得仲西利

有一天我終於忍不住上左去拍門 佢一開門我就問佢做咩嘈住我 個阿叔講左句『冇野丫』 之後就關門!!! 我唯有無奈地走了 之後佢一嘈我就走上去拍門 點知佢一見到我就既刻報警 我同D警察講因為佢地日日嘈住我 所以我先上去拍門叫佢唔好 我有用電腦既webcam錄影同錄音做證
點知D警察話我拍人門就唔岩 如果再係咁可以告我騷擾 電腦喇叭可以自己教大聲 所以不能成為證據 根住樓上既人好似好得逞咁 之後日日都嘈住我地
(我以為佢地係刻意地要玩野所以由得佢嘈 諗住嘈一排佢地覺得厭就會收手 點知之後日日都有嘈 一年365日差不多有360日我都會被騷擾 所以我肯定佢屋企係有小型工場 有東西需要制作或者加工等等 因為一般人都唔會咁無聊刻意嘈人)佢地一到旁晚(約6-7pm)就會開始嘈住我跟住中途會停一個鐘到 之後會間歇性地『咚.咚』两下(鋤地聲) 直到凌晨十二點幾 有時會嘈到點幾两點><
公眾假期就會由上午十一點幾就開始嘈到凌晨 平均每25秒就會發出『咚.咚』两下(鋤地聲)

管理處同警察都幫唔到我 想上去同佢傾佢地又即刻報警
最奇怪的是每次我打電話去控制室投訴 D管理員一上到黎就靜哂 一走又開始嘈
我唔知係因為樓下個管理員同佢熟or樓上果家人日日嘈住人果陣都會睇住個閉路電視 我真係真係覺得好煩!!! 佢地咁樣其實係等同於你係自修室温書 每半分鐘就有人叫下你一樣 令你好難集中!!!

我都係剛剛讀完書出黎反工的 我發現比人咁嘈法第二日反工真係好無精神(我爸媽都要反工的) 仲要係比人無故剝奪左每天的黃金時間.
我終於明白到爸媽的苦心 佢地唔想我同人嘈所以成日扮冇事 (佢地日日都比人咁嘈法仲要早起身反工一定好辛苦 而我為左逃避煩擾的操音而刻意遲反屋企 但係以家我要面對現實了 但又諗唔到正路的方法 所以我要揾大家幫忙)

我真係唔知可以點算 我已經被樓上的住客嘈左3-4年了,我就黎瘋了!!!
我知道樓上果家人有三個家庭成員佢地两公婆約35-45歲 仲有個仔大約12-16歲. 但係就唔知佢屋企做梗咩生意 需要日日咁嘈住我地.
大家可唔可以幫幫手比d意見小弟應該點解決.
(例如提供有關既政府部門 或者諗到其他方法都可以mail我 [email protected])

萬分感謝!!!