我之前出到少少抖勁 但係無啦啦出左寸勁 而家出唔到抖勁

出抖勁會變咗寸勁咁神化都得！抖應是震顫動作，寸勁是長橋發力，外型完全唔同喎，先唔講你發勁有無威力，你都無可能把身體的抖動與伸出隻手正線短距離刺出混淆。

點可以轉返做抖勁？咁你就多些練習抖白腊杆，無白腊杆你就搵支地拖棍來抖，每日抖動20分鐘，包你兩個星期內能抖勁大增，記住啦今次唔好做短刺動作，否則又會變咗寸勁。

其實無論你發甚麼勁，其核心內容都是大同小異，都是鬆與緊的經歷，配合上全身協調而已。身體動作僵硬的人永遠不會懂發勁，你自稱學太極的，站一段時間無極樁才開始練抖白腊杆，效果會完全不一樣。全身協調發力(勁)也不是甚麼秘密，做到六合就可以了！內三合的心與意合、意與氣合、氣與力合，外三合：手與足合、肘與膝合、肩與胯合。假若你完全懂得鬆緊結合，又能全面做到六合要求，甚麼抖勁、寸勁，蹤身勁、十字勁、驚彈勁、霹靂勁、奔雷勁、纏絲勁....都只是形式、名稱上的不到，"一勁通，萬勁皆通"你聽過沒有？形式上的抖動與短距離的刺出你無都會混淆，就一定無人可以幫你由寸勁變返抖勁了。

懂得發勁，不等如能發勁傷人，要發勁有較大殺傷力，就得功力鍛煉，抖白腊杆是其中一種功力鍛煉方法。

嘩二十分...
「太極抖勁」是否指「忽雷架」嗰種?

我净係識洪拳嗰種抖勁...
即係好用力咁抖震推掌而出...