政府診所精神科問題

千萬別相信上述的網址,甚麼甚麼「精神科醫生剩係識話人有病」之類的說話。抑鬱症對身理上的影響是無可置疑，上網可以輕易搜尋到，更甚對心理及精神上。你要先到普通科求診，約略陳述現在的狀況，就算你說「我懷疑自己有精神病／抑鬱症」其實我覺得沒有問題，不過你對醫生打出幾張牌，佢既經驗已經可以知道你開咩牌，之後就要求轉介到精神科。之後最好向精神科醫生提出結合心理學家的幫忙治療。

病向淺中醫, 我會鼓勵你去睇醫生, 更何況, 你個病可能已經唔係淺.

如果睇公家醫生, 首先係如你所講咁樣, 睇咗普通科門診先, 然後由普通科門診轉介去精神科門診.

見到醫生, 話俾佢聽, 你懷疑自已有精神病, 成日無啦啦想喊, 覺得人生應早死早着, 冇晒動力做其他嘢, 如果有其他影響你日常生活的症狀, 照講就得, 精神病其實好普遍, 啲醫生同埋護士, 唔會覺得怪, 放心.

我而家都係睇緊政府精神科門診, 我患既係自閉症和焦慮症, 而我當初都係先睇普通科, 講啲症狀俾醫生聽, 然後排期醫, 大致都係咁樣啦.

私家精神科醫生都係一個選擇, 我都睇過, 不過成千蚊先睇一次, 我頂唔順, 所以轉返睇公家.

藥物方面, 我唔覺得啲藥有問題喎, 食咗之後, 我舒服好多, 但要唔要食藥, 是醫生去衡量的, 暫時你無需擔心這個問題.

2011-09-18 22:14:06 補充：
排期要幾耐?

這是要看你的病情來決定的, 我以前最初一排就排了2年之後的期, 後來醫院突然間幫我提早了7個月, 所以總共排咗1年零5個月, 但係我又冇殺人和自殺的危險, 所以排得耐啲, 你有想過早死早着, 應該會快啲.

其實只要開口講覺得自己唔開心
唔知係唔係抑鬱
都ok

睇呢類醫生唔係唔可以睇公家
但係呢d問題要花比較多時間同你傾
公家門診基本上做唔到呢個要求
而公家精神科係要轉介唔係話睇就會有

搵你睇開醫生既私家傾傾
如果係有需要既寫紙轉介公家
咁會比較好
私家響呢d方面會處理得好d

至於食藥唔食藥就要睇症狀有幾影響到生活
講真呢個係心理問題要視乎原因同處理問題既技巧
有d原因係可以處理到
處理問題既技巧亦可以學
有時只係改變下價值觀同角度件事已經完全唔一樣

咁但係如果個病因係處理唔到
比如係點解做唔到劉華個老婆
我相信冇醫生會幫到手都係食藥把啦

搵d興趣 努力讀書 不要期望太高 含理地balance自己

精神科醫生剩係識話人有病 同開藥
其實同一般人無咩分別

開藥 一來心理因素 係未都有種有藥食就會好的錯覺
實際上d藥只係會食壞人 另一方面藥廠可以搵錢

放心 好多人生活得唔開心 就想死 就係咁簡單之痳
只要活得開心 就OK

想有動力 就要明白生活 只要有錢就可以做更多既事 那就以搵錢為目標
也不是要搵大錢 比心機 認真做 錢自然會黎