點解d巴士到左總站d人落晒車通常都唔會即刻

@kingyip:
您好!我是hon******。
Q:點解d巴士到左總站d人落晒車通常都唔會即刻比巴士站頭排隊d人上車既?
A:一般來說，巴士司機到總站後一般都會去打卡，打完卡之後佢會顯示一個開車時間，咁係嗰個時間個司機就要開車，姐係好早開車的話就會令巴士班次失準。同埋大多數司機都唔會立刻開車，會飲下水同去下廁所，試想像一下，如果閣下「渣」(同音字)完53，咁相信閣下「渣」完咁長程既巴士﹐都會去個廁所掛?如果唔係懶咗出嚟...點算?
Q:如果每一次巴士到左總站d人落晒車司機即刻比人上車咁就好啦,巴士站又無凳坐,又無冷暖空調設備,要d人等車等得咁辛苦。
A:咁樣既話就請想像下，當巴士司機比乘客上哂車之後，個司機去咗小/大解，咁如果有D乘客係司機去小/大解既時候上車，咁冇人監管佢地比錢，咁D乘客會唔會咁自律去比錢?如果比人發現少咗錢，咁個司機都好難交代，也可能因此冇咗飯碗...
Q:同埋點解d司機咁中意用上車果度門落車,落車果度門上車既?
A:其實我諗都係方便啫...
希望幫到您!
如果唔明，歡迎您再問^_^

2011-09-13 19:23:16 補充：
同埋我諗應該好似意見者002所講，以免一D心急既乘客跟咗司機尾再撞到司機「嗰度」，因此才用後門上的

一定要等數十分鐘司機再次上車?
你搭邊條巴士線? 竟然可以要你等「幾十分鐘」禁耐? n線通宵車都系30分一班, 正常時段的車通常都系5-20分, 就算你真系黑仔送車尾, 最多都系企20分左右, 如果你的腳有事唔企得的話, 可以考慮買張輪椅的, 巴士也有輪椅位(雖然成日都俾bb車佔用了, 可能bb的老母覺得佢個仔要坐輪椅, 所以就死都唔肯收埋部bb車).

其他朋友都講左, 放人上車就代表司機無得休息, 連去個廁所的機會都無.

2011-09-12 18:28:05 補充：
用前門落車只是方便自己, 因為司機位近前門, 司機等客人落車後, 在司機位回頭看一次下層車尾有無人, 再用司機位的潛望鏡望一望上層有無人, 就可以直接由前門落車休息.

至於由中門上車的原因是避免一些心急的人跟住司機尾上車, 司機開小門入司機位時, 跟尾上車的客就會撞到司機個「八月十五」, 唔通要個司機大叫非禮咩? 所以, 司機會由中門上車, 等自己坐好後, 才打開前門放客上來.

還有, 前門和中門都有太平門制的.

1. 有時有人會喺樓上瞓咗, 所以要叫醒佢.
2. 司機要去廁所同飲水和小休一陣.
3. 司機放咗第一批人上去, 又要行開一陣, 之後來嘅人咁點辦? 眞係可能會鼓躁嫁.
4. 用上車門落車個問題眞係唔識答.
不過你可以多觀察. 例如有啲單層巴士上落車祇得一扇門, 咁上落都係得嗰度門.
又例如坐輪椅人士, 其實都係用上車嗰扇門上落.

係因為比架巴士停一停(機械散熱), 司機可以去飲水, 交大/小水費, 食煙, 食嘢, 天氣熱洗面同其他司機吹水等, 就算俾你上車都不會開空調, 入錢沒有人睇更加不會放你上車, 中間度門有緊急手制, 沒有電都可以開關, 所以D司機喜歡用果度門上車.

因為個司機要去報到堆站打一打卡，飲啖水，去個廁所先再開工囉。如果畀啲人先上哂車先，咁個司機就唔可以離開個司機位喇，比住係你啦，見無司機喺個位度睇住你畀車錢先放行，咁你會唔會自動自覺畀車費先？