有關辦理離婚問題(20點)

haha: 你唔需理會我和他因何要離婚！ 我嫁他前早知他收入比我低！ 我提出這點是想知道會否因他收入比我低而影響我取得贍養費的機會！ 孩子他都有份！我只在意他應給多少贍養費撫養孩子！好等我有個預算！ 你講到我好似為錢而結合！講真！你係局外人知得幾多？你知道他連屋企雜費、連自己用的水電煤也不肯交嗎？樓已經不用他供！家用應承要俾也沒有！孩子我也有份養的！還想怎樣？ 你講到我要仔唔要公！你又知唔知我忍佢忍得好辛苦？凡是同我計較大家應付出幾多！我十月懷胎又有邊個可憐我？ 我不知道你結婚未？不過你講得咁口響！你可以代替他交返他應付的生活駛費給我吖！ 要不然一切都是廢嗡！

我只係要知道搵律師同收費預算！我家的事不用你去評論！你亦冇資格評論！

一歲半大的孩子是時候要返Playgroup，他用許多理由阻止他返Playgroup！雖然佢唔係攞錢去賭！(我唔知收埋啲錢嚟做乜？) 但咁0既老公！haha如果你係女人你要埋佢！

Yan: "因就算結婚都可以有私人空間　，　私己錢 佢吾一定要比晒你　！　 佢都有自己父母同朋友　，　佢都需要用錢" 我並唔係要攞晒佢啲錢！講真！嗰幾千蚊只係佢收入0既一部份！況且係佢結婚前應承俾我！作為丈夫建立家庭，要交家用好應份吖！唔通你出嚟做嘢就唔駛交家用養家咩？(可能你屋企富貴啦！我唔係囉！) 我雖然收入比佢多！但我要負責供樓、水電煤、差餉、管理費！我仲要養家！我夠冇錢駛啦！我又問邊個攞錢去應酬呀？ "收埋　ｄ　錢吾＝吾愛你：" 愛都要食飯0架！唔通有愛就唔駛開飯咩？

"撫養孩子權未必歸你　： 因可能你長時間都要工作　，　 法官會覺得你冇時間照顧佢" 我唔知你講呢段說話有咩依據！孩子自細就由我母親照顧！就算丈夫可以搵人睇住佢！佢都未必肯跟！(可能你未有細路啦！唔知歲半細路會認人囉！) 況且我和丈夫返工時間一樣！我唔明我點冇時間照顧佢囉！ 我響度只係想問有否辦離婚律師介紹及收費如何！並唔係聽你批評囉！一家唔知一家事！我真係想問你有咩資格、憑咩話我囉！ 如果你接受另一半只係靠你供樓、交差餉、管理費、水電煤，自己一個仙都唔攞返嚟，你再話我都未遲啦！唔該！

講真！同個朋友一齊住都要夾返屋租、水電煤啦！ 我計較佢啲錢，就唔會嫁佢！我只係計較佢一啲家用、多多少少都唔肯攞啲俾頭家！ 如果話我緊張錢！佢仲緊張錢啦！既然係咁！作為男人何必娶老婆吖！要個老婆養家咁滯！ 只係俾返佢自己嗰份都唔肯！有冇咁0既道理？我十月懷胎又邊個同我分擔？ 你哋咁唔計較！咁我叫丈夫住響你哋度啦！

天才博士： "你地雙方同意離婚，孩子撫養權個男人掙唔掙先？" 佢可能會爭！所以我先響度問有冇相熟搞離婚的律師介紹。 我知道打官司要駛好多錢！不過我一定會先問律師，等自己有個預算去點傾撫養權。 "既然你有經濟能力，仲望個男比錢你做乜？" 我想你明白！我想大家都明白！我問他攞贍養費不是養我！我從無旨意他養我！那筆所謂「贍養費」是用來養孩子的！！！ 孩子他都有份，我並不打算全由他供養，但起碼不能一毫子都唔俾！

"當係為個細路犧牲小小啦，日日問個無錢既人囉錢都好辛苦" 佢一定唔係冇錢！如果係冇，點解一直唔肯交盤數出嚟睇，又或者解釋下佢人工0既去向？理由只有一個！就係佢根本唔想俾！又講唔出啲錢駛咗去邊！ <我噚日先知！作為獨仔0既佢，原來一直都冇交過家用養佢六、七十歲0既父母！！！亦即係話個衰人響我面前呃我！話要俾錢父母！咁俾得錢父母，我都預佢俾三、四千啦！！！原來個衰人兩頭瞞！父母以為佢俾咗我！我又以為佢俾咗父母！！最後啲錢佢自己袋晒！！都唔肯俾啲錢落頭家度！！！>

就算佢俾錢我！我都唔會落到袋！佢住屋、雜費、水電煤都要成本！你去醫院住都收你一百蚊一日啦！一個月都要俾三千啦！個衰人真係一毫子都唔肯俾呀！都係佢自己用返咋！咁同我養佢有何分別？佢只係出錢養個仔，我仲有俾返一份添呀！！ "所以我將所有銀行戶口比晒老婆，仲簽定幾張無銀碼題支票比佢" 咁好應該吖！証明你相信老婆！但我丈夫不肯俾我知道他有多少錢，又不肯俾我知道人工駛咗去邊！你作為男人，如何解釋他的行徑？

我問丈夫攞的錢是用來養仔的！不是養我！我從無要求他養我！ 你講得咁口響！你又試下唔俾錢你老婆！睇睇你哋又會唔會同我一樣！吖！

你話我愛錢如命！我都攞份糧出嚟供樓、交差餉、管理費、水電煤啦！仲想點呀？ 仲有！我響度發問係問有冇搞離婚0既律師、收費如何！而唔係問我離婚好唔好！！！ 唔明0既話唔該睇返我最初0既發問！！！我唔係要聽啲張三李四批評我！！！我0既家家外人知得幾多？外人何以有資格評論我？

你問我開唔開心，我冇開心咗，但我亦冇更加唔開心！！ 我同佢分開咗！坦白講我只係等時間過！夠期就辦離婚！！