我想問, 大門鎖有無分左右開門??

大門鎖有無分左右開門?

大門鎖有順時針開鎖或逆時針開鎖的可能及分別.這視乎鎖的類型及功能.比如"老虎鎖"若向反向擰就鎖深一級;"三開鎖"若向反向擰,方舌就會伸出.
因為木門有分左右鉸,自然就配合左右鎖. "老虎鎖"及"三開鎖"就一定要買得正確.買得不正確就會影響功能. 套裝插心鎖,鎖匠及賣鎖的都懂調整以配合左右.如果買鎖時當然要講得正確.以免買錯.
門鎖是否自動上鎖,關鍵在於鎖體的類型及功能.與鎖膽無直接關係.

邊個牌子好呢??

除了考慮鎖體的堅固性外,鎖的技術性開啟的難易度也很重要.一般而言,名牌有可靠性.而且部份品牌的鎖膽採用異形鎖珠,以增加技術性開啟的難度.品牌太多,鎖舖自然會介紹.

2011-09-13 19:23:25 補充：
想用電子鎖好唔好呢??

個人認為除非使用的人次多,如大廈出入口等,需隔若干時日變更密碼或換鎖膽者外,私人住宅最好不用電子鎖.

會不會頂住不能關門??

門與鐡閘的距離,自己在決定選購前應量度估計.

世事無絕對，我就曾經遇到一把新買的medeco老虎鎖有問題。當然只係唔好彩，medeco質量仍有保證。仲遇過ROCA龍頭用咗半年漏水，代理免費搵人上門更換不特止，仲免費升級俾隻更貴既龍頭，個客開心到不得了，始終品牌要顧住自己個朶。American Standard坐廁都遇過有問題，個尾有沙眼漏水，間鋪肯換都慘，要自己拆番出來call貨van捧返去潔具鋪，蝕錢蝕人工。其實甚麼品牌都有機會出問題，不過品牌出問題機會率低d咁解。

大門套裝鎖,主要分美式&歐式,同時係有分左同右.

美式:用螺絲膽(鎖膽位於鎖身上方),關門後自動上鎖.
歐式:用葫蘆膽(鎖膽位於鎖身下方),關門後需用鎖匙上鎖.
兩者並無邊個好d既問題,只係按自己需要而定(要唔要自動鎖).

選擇鎖,有平有貴,價值在於鎖膽有幾難開,另外係鎖肉用料,平鎖用合金做,用幾年會爆肉,後果係有鎖匙都入唔到屋.

主要流行品牌:yale,mul-t-lock,medeco.較新品牌係super-t-lock.

呢幾個牌子,你可以自己再了解下,因為我唔係賣鎖比你果個,而個人意見,只選擇medeco,寧死不屈.

ps:自己站在屋內看,鎖在左邊,就買左鎖,呢個法則係咩牌子既鎖都岩.