開咩blog好？

我係用Qooza嘅，由中一用到依家。我今年中七，即係用左六年。我有Xanga帳戶，但係只係用黎睇同學嘅blog，冇打過野。至於其他果d就唔清楚了。以我所見曾經(或現在)有用blog嘅同學多數用Xanga。

要持之以恆寫blog都唔係一件容易嘅事。中一、二時學業冇咁繁忙，自然會擺左好多時間寫blog，但一上到高中，有時唔係唔想寫，只係因為太多野做，慢慢就將寫blog呢樣野擱置或遺忘左。

我依家都唔係日日寫blog，一來我係末代高考生大把野忙，二來真係開始諗唔到有咩可以寫。讀書讀到個腦實哂，每日返學上堂就係教書、quiz、做exercise同操past paper，根本冇乜覺得有特別嘅感受值得寫。

究竟邊個blog先好用都係個人睇法。我一開始就係用Qooza，所以為左避免麻煩就一直都冇轉用其他blog。我覺得唔好三心兩意，既然你只係想有個平台抒發自己既感受、體會，咁你以上列出嘅所有平台都符合呢個條件，打到字咪得囉！

開咩都得啦!~你自己想點咪點囉

我之前都係用qooza yahoo blog o個d...
不過e家我係用jacso
http://jacso.hk/
因為jacso個感覺好似冇qooza同yahoo blog o個d咁普遍
jacso好多都係空姐/model o個d用...所以jacso有時都會分享佢地d blog出黎`
如果你真係想抒發自己既感受、體會o既話...jacso都幾好