女追男方法(15點^^)

你同你朋友講, 無論做乜嘢事, 都係唔可以一步登天嘅!

佢同個男仔都唔熟, 即係連普通朋友都未係, 所以依家首先第一步就係
同個男仔做普通朋友先! 叫佢主動同個男仔講嘢, 講學校嘢又好, 講潮流
嘢又好, 總之要打開話題! 如果連普通朋友都做唔到, 就唔好講其他!

做到普通朋友之後, 當然要繼續努力, 升呢去做到個男仔嘅好朋友!
而喺呢個過程, 佢可以留意吓個男仔有冇鍾意其他女仔, 甚至有冇拍拖!
如果佢同個男仔鍾意嘅女仔比較之後, 自問冇個女仔咁靚, 咁你都係叫
佢死咗條心!

做到好朋友之後, 如果知道個男仔冇鍾意其他女仔, 甚至冇拍拖嘅話,
咁佢有兩個做法, 被動或者主動! 被動當然就係等個男仔去追佢, 但真係
唔知等到幾時, 而且隨時俾其他主動嘅女仔去追咗個男仔!

我建議佢主動, 怕醜嘅就喺個男仔面前, 不斷去暗示自己鍾意咗佢!
唔怕醜嘅就喺個男仔面前, 直接話俾佢知自己鍾意咗佢, 睇佢有乜嘢反應!

希望幫到你