修理天花石屎剝落方法

題主，其實如何教你也起不了多大作用的，因為批灰不是知識而是工藝，要工多才會藝熟，沒有幾十小時以上的批灰經驗是無法操控得好，這就像彈鋼琴一樣，就算是天才也絕無可能學曉彈法之後就立即對著樂譜彈到二級的鋼琴音樂，這必需經過一段時間的練習才行。

你唯有批厚一點，批到突出5mm左右，然後用沙紙慢慢把灰磨平，沙紙可先以100號磨到差不多平才改用150號磨滑，磨沙紙時心想著「惡夢二十分鐘之後就會成為過去」就行了。

磨沙紙磨到你認為ok，就油一層乳膠漆，隔天乾透後若發覺仍有凹下去的地方就再執灰再磨，直至完美為止。

對行外人而言，相信這是唯一的辦法。

2011-09-11 18:01:05 補充：
題主，想話你知呢個世界上有N95口罩呢樣嘢。
家陣唔係叫你劏雞，唔會手震的。
此外，打坐呀、玩插冰呀果d最好就唔好學，隨時會俾人捉你入青山的。
其實省沙紙都要講技巧，用手部虎口位夾住沙紙，盡量成隻手掌貼住天花板來省，唔好只係用4隻手指貼住天花板來省，就唔會有咁多波浪，所以果張梯要夠高。

樓上各位都講得7788,冇錯,外行人係較難掌握技巧,但真係要做,亦不至做唔到.

批灰有2點好重要,生理&心理質素.生理係講求手腕要柔軟,批果陣手要識轉;心理係講求不浮不燥,咁個心定,隻手先唔會振.

開工前一小時,進行打坐,令身體放鬆,直至感到有點凍,就可以預備,將手插入冰水,然後穿勞工手套,一鼓作氣批哂佢.

刀痕既問題,其實好簡單,你第一次批,大約咁批平,到硬左,搵鏟執執刀痕,再批,今次你會發覺,刀痕比上次小,如是者重複施工,最後就會成功.

ps:1.材料最好用福粉,菜膠,先開好一桶料,然後每次用另加石膏.
2.工具方面,灰匙有2種:平同貴,先用平(較硬),後用貴(較軟).
3.唔好用砂紙省,第一你既呼吸道會有感染,第二係點省都唔會平,仲會好波浪.

先用施那油把該位週邊油闊3寸，乾後用901批牆灰〔先用該位所需三分一〕
加點白石羔搞勺，〔如需快硬可加多一點石羔，因快乾所以分三次用〕
再用油柒灰池批及光平所有就OK！當然你外行有一定的難度！

家居大夫 黃師傅www.drwong.com.hk 90319193

房天花石屎爆裂！

用鎚將有空洞聲石塊擊下,(做對了！)

枝蝕,用鋼絲刷用力刷,(做對了！)

(但最好要將石屎,沿著生銹的鋼根週邊石屎打穿,務必露出整枝鋼根，當然要可見的銹蝕刷掉,或可在井字形枝位置再行用鋼線抓緊,並塗上防銹漆)

(填補施工前要預時間,分幾次噴灑水份,務使石屎的濕度增加,可用英泥當水用作混合液與黑英泥和沙,混和使用)

(天花施工,當然吃力和考功夫,但無論如何都不能馬虎,原因此一工序涉及將來的安全,線英泥沙時用力要合當,並需分段填滿,好不容易,真的需要豐富經驗)

(天花線灰經驗也不可忽視！見有灰匙批痕,是力度過大了，並要掌握在什麽時候收力,)