✔ 最佳答案
4年後的確好難估。現時可以俾到既資料你唔多,希望對你有用 :)
你標題既意思,即係用公屋換綠表買居屋,right??其實如果你要買既話,而家都可以買二手居屋架,唔駛等到4年後起新居屋先買,除非你指定係要一手樓。
居屋其實無話分幾房架,佢地多數係按呎數去計算,至於你想間幾多間房,就係閣下既選擇。不過如果你要間三間房既,我估計一定要700呎以上既居屋先符合到你既要求。
買樓好睇區份,我唔清楚你想買邊一區。我自己比較熟既係沙田大埔馬鞍山區。俾少少參考數字你:現時二手居屋700呎以上既大約要200萬以上(未補地價),如果以現時銀行既供樓利率計算(約p-2.5),供30年計,平均每月約供8000左右。早前美國聯儲局話未來兩年唔會加息。咁我諗去到2013年既息口都應該唔會有太大變幅。但要再估到2015,就真係好難。首期,你預定30%會好d(連雜費不包裝修約80萬),因為我唔知你既工作係咩,銀行借錢好睇你既職業。
如果你真係要買既,我建議你買政府建既居屋好。間隔實用好多,而且管理費都平d。私人參建既單位多數都無咁實用,有時仲會有好多走廊係間屋裡面,用唔到d面積。
以上資料都只係以現時情況去講,4年後,真係好難講。如果可以既話,你提供你既年鹷同職業。我再幫你諗諗你至少預幾多錢先至買到居屋。
(p.s.我早前買了一個私人屋苑物業,約300萬,因工作及年齡關係,可以問銀行借得比較多。同時我因為是早前買入,所以可以用銀行同業拆息利率去計息(h+1%)。以上所講係我既經驗分享,未必準確)