新工困難-20分

第一日返新工, 上司叫我坐係同事旁邊, 叫同事教我做野, 個同事叫我等等,
埋少少野先教我, 我話好呀 坐係到等時我見到佢係到上網, 佢就叫我等等, 一會教我, 我就話好呀你睇埋先啦 之後等了成粒鐘都無教過我野, 我就好似白痴咁坐在一邊, 或者幫佢去影印, scan野, 拎野咁, 交文件比其他同事, 其實我同佢係同職位的, 不過為了學野都主動幫佢, 幫完之後就問佢教我野, 佢就話一會會教, 叫我等等佢, 又係咁坐係到睇佢做自己野, 可能佢唔係咁鐘意我睇住佢做, 但係我坐係佢旁邊, 好難唔睇, 佢就叫我拎d file自己睇, 都好既可以學定先到時教易d上手, 之後幫佢買下外賣做下野先叫係咁求其講2講, 講d又唔講d咁, 唔明問佢又叫你自己諗啦 我都知係可以自己搵file睇下, 諗下點做, 但成個流程係點, 要做d都唔知, 又唔知邊到入手, 各處鄉村各處例, 我第一日返工唔係咩都可以自己諗, 自己話曬事, 畢業我只係一個文員仔, 而家唔知點算好, 唔知好唔好同上司講佢唔肯教, 唔係想講佢是非, 只係唔講真係唔知d野點做, 唔知講左會點, 其實都係想打份工已而, 點解d人會咁呢, 我的處事方式係咪有錯, 同個同事好cool, 我發現成間公司d人好似都係咁, 我只係返一日唔肯定係咪個個都咁, 不過同事之間好似唔識咁, 同你講野臉無表情,語氣又唔好, 你比d野佢話"呢份xxx比你的", 佢就望住件文件, 拎左之後睇電腦, 好似我唔存在咁, 唔知係唔係我問題, 同個問題係邊, 只係覺得係呢間公司好難生存下去, 好想唔做,請比意見如何解決, 謝謝!