求結交朋友的方法

你地好, 我叫Janice. 我原本有好多朋友, 但自從身邊的朋友一個個咁拍晒拖, 我就開始感覺到無晒朋友. 因為當打電話俾佢地的時候, 有些唔聽電話, 留言又唔覆, 有些會聽電話, 但當約佢地時大多話唔得閒. 以前, 我以為朋友就算拍左拖結左婚都仲會keep contact, 就算相聚的時間少左, 都不致於無聯絡, 但現實係殘酷的.

我係人馬座, 八成的性格如同人馬. 朋友唔係無, 只係黎得快去得快. 依家人愈來愈大, 所以心境也開始寂寞, 莫說異性朋友, 連同性朋友都難以相約. 我初時以為係自己的問題, 但聽過一些意見, 就話實情世界就係咁殘酷的.

我性格樂觀, 衣著一般, 基於家境問題及没有朋友指路, 導致只係一名普通女仔. 自問係個喜歡笑的人, 也唔鐘意發脾氣或串人, 但見識少, 唔講是非但會講事實, 會幫朋友但不喜歡被人搵笨, 會主動識人, 但好多次都會撞板, 因我想識人, 人地不一定要識我, 生活圈子陝窄, 難以結交朋友, 尤其異性.

事實指的係我見到的及經歷的事件. 當然自我的性格, 我係有, 但我唔會唔理對方的感受, 因我唔會及唔想得罪人. 基本上, 依家的我已開始學習如何睇人眉頭眼額, 希望唔會太迟, 當然同我相處好耐的朋友, 我依然會搵佢地就算佢地真係唔得閒. 因我覺得朋友係用來珍惜的. 只係, 其實我無意中做左媒人, 因為我每次都會識左D朋友都會介紹俾朋友識, 制造左聯誼機會, 所以.....可能係無什麼專長, 淨係鐘意玩, D人同我一齊覺得悶呱.

大家可否俾D意見及方法我, 如何可以結交可面對面交流的朋友啊? 唔該晒.