想問問裝修既野 屋企想裝修 但... (20點)

一路裝修一路住當然可以，但係十萬蚊既工程人地會開你十五萬，因為你地會好阻住師傅做嘢。其實莫講話裝修期間要住人，就算只係有傢俬雜物都已經要收貴d。

如果我幫你裝修，有傢俬兼夾有人住阻頭阻勢，換房門及房門框加你20%裝修費，廳房油乳膠漆加你40%，鋪地台磚加你400%，鋪木地板加你500%，如果係要鋪車磨油水晶油果種木地板，你一家人就算頂得順而且肯加1000% 我都唔肯同你做，因為d水晶油一定會俾你地搞到烏厘單刀，結果一定唔收貨。

你俾人加收既工程費用已經足夠你地租酒店或者全家人去旅行渡假，咁點解仲要全家人日日屈蛇咁屈喺間房度？你喺度阻頭阻勢，d師傅表面上好客氣冇乜嘢，心裏面就恨不得一人一腳將你地伸哂出門口。呢個世界冇人會咁傻俾錢人地賺仲要俾人地喺心裏面話自己阻住個地球轉架，係咪？

所以，正確既做法係喺﹕

1) 搵屋企附近地產代理或向親友租個短期單位暫住，我有d客的而且確係咁做，同業主講明只租兩個月，佢地係全屋大裝修。

2) 搵間平d既酒店暫住。

3) 去旅行渡假，但係一定要搵靠得住既相熟師傅。


你所講既裝修工程如果以吉屋計，預 先訂好房門，大約一星期可以完工。如果有傢俬雜物就要睇吓有幾多嘢，所需時間分分鐘會以倍計。

唔好一边住一边做工程,佢地做事唔方便,你也很不方便,你可以找一些短租的租二至三月都有的,你可以找代理幫你揾,或係網上查一下"短租"

如有工程要幫手,請到我們的網址參觀,有室人設計作品可以參觀
如有任何問題,請聯絡我們

http://www.angusdesignstudio.com

你可以一邊狀修一邊住但時間會長和工程費用高。

我覺得就最好唔好啦, 始終都係有塵同會比較嘈, 好影響健康~ 好多人都會搵個地方租住, 但你如果唔大工程做得唔耐既, 咪去親戚屋企住住先lor ^^

我以前都試過好似你咁,一邊住,一邊裝修,一開始師傅做一邊,我成家人就住另一邊,d師傅會幫我做圍板分開,所以唔會有麈,咁之後佢地就自己做野,

照睇你單工程,其實做一星期左右就可以,因為你唔需要改動間格.

ps:有d裝修公司有3更制師傅,變左可以24小時都有人開工,咁工程會更快.