什麼是QE1、QE2、QE3，對經濟有什麼影響??

QE=量化寬鬆,睇下面網址
http://zh.wikipedia.org/wiki/%E9%87%8F%E5%8C%96%E5%AF%AC%E9%AC%86
基本上係=印銀紙
美國擔心衰退,通縮的問題,所以要印銀紙,銀紙多左變得冇咁值錢,物價會升就會通漲,景氣(經濟狀況)先會回升
美國原本打算將來會推出十二次量化寬鬆(好似係),但係頭兩次都冇咩效果,宜家QE3出唔出都成問題

由於美國債卷可能違約(唔還錢),市場人心煌煌,如果美國印銀紙就有錢還債,D人就回復番信心股市自然升(尤其係宜家D股票好多都好平)

QE係唔係美國人諗出黎我就唔知,但係今次唔係第1次的例子,以前日本都有量化寬鬆過.
美國量化寬鬆對香港比較大的影響係過度的通漲,因為美國印銀紙多左好多熱錢到處流,哩D熱錢令到股市升,升得太勁經濟會過熱,就通漲

美國經濟真係轉差的話,美國消費減少,佢地唔洗錢我地D出口都會跟著減少,出口減少D工廠公司賺小左錢怎至要執粒,景氣自然變差
股市係風險比較高的市場,有重大利輕消息可能導致錢流去穩定的市場(如債券市場),大量錢流出股市自然下跌,基本上道指大跌全球股市都會差唔多一樣跌,少跌的話其他就唔一定跌,另外係有D公司要依靠美國D大公司比單佢地先賺到錢,美國大公司賺少左錢的話,哩D小公司話唔定要蝕錢

以上都係我睇D財經報紙,雜誌睇番黎AND財經台聽番黎,有D可能記錯左,會講錯
想學買股票同全球經濟,可以睇經濟日報

QE亂出會搞亂個金融體系,引發一連串既社會問題,大家都對貨幣失去信心,所以資金都流入金市,渣金安全過渣紙幣