冷氣機電位+開關掣人收費

電制位計算方法並非裝修行業需要遵守的規則，既非規則，也就各師各法、各出奇謀了。

如果對方全屋都收你1000元一個制位，冷氣蘇位+獨立開關制、天花燈+開關制全部計你一個位他也會說沒關係。

如果對方收你100元一個制位，就算全屋所有制位都double計，你也會覺得沒關係。

所以你若不信任對方的話，找多幾個師傅格價就行了。

不過，冷氣蘇位+獨立開關制，天花燈+開關制，熱水爐蘇位+獨立開關制等可以大膽說全行都不會作一個位計的。

本人買水果時從來不會考慮標明每斤或每磅幾多錢的水果，每份幾多錢的就會考慮買，買了之後就沒有被呃砰的感覺。

首先,電力工程係需要由電業註冊承辦商負責,並由註冊技工進行工程,完工後需簽發WR1完工紙.

掣位計算方法,通常叫做數位,即眼見幾多個,就係幾多個,而過路箱係唔計.

冷氣機旁做個制,而開關係門口,係2個制.

電燈開關掣本身計一個,如該制負責3支燈位,即合共4個位.

2011-09-14 21:49:48 補充：
其實數位到底係咪岩呢?假如你全屋既佈線只注重有幾多個電掣,咁"數位"只係眼見做幾多,就比幾多錢.

一般裝修做電,多數係加減掣位,因為樓宇本身已有大掣,基本插座,燈座,所以"數位"差不多全行都係咁做.

而"數位"最經常出現既問題,就係師傅喜歡做最簡單既工作,例如,冷氣機掣邊加多個插座,多數都會直接由冷氣機取電就算(燈線用作蘇位亦大有人在),所以,數位做出黎既電力工程,岩例既機會就如鳳毛麟角.

2011-09-14 21:56:20 補充：
公平既精神在於,付出與收穫成正比.

但問題係,以電力工程為例,將開支大部份花於安全方面(接地導體),世間上有幾多個客肯比?相反,花多多錢買燈掣面就個個肯比.

一般千尺或以下既電燈job,唔使跟例約2萬,跟足例就要6萬,但起貨後係肉眼睇唔出(即冇法顯示價值),比你會點選?