同老公分居已兩個多月,可以什樣做??

因為你冇講清楚d來龍去脈,都好難講應該點做?
你同你老公感情如何?你有冇打電話搵佢?
其實如果你同老公係冇問題既,都唔會成兩個月唔搵你!
有時d男人夾o係老婆同亞媽之間,會想逃避!
佢地通常覺得:都唔明你地為咩嘈交,
而且o個個係我親生亞媽,就算錯既係佢,
我都唔話得佢架(都唔知點講)
你就唔同啦!你係老婆嘛!緊係你去就奶奶啦!
因為你係我另一半,應該識體諒佢嘛!

你應該直接約你老公出黎見面傾清楚!
可以叫佢帶埋小朋友出黎就最好啦!
小朋友無辜架,突然唔見左媽媽咁耐,點會冇影響?!
如果你老公唔肯傾又唔肯俾你見小朋友,
因為佢冇權阻止你見仔女架嘛!
咁你最好搵社工幫手,越快解決越好!

現在最重要係你想清楚自己究竟想點先?
你搬返外家跟本係唔想同老公分開,其實是否只係想令老公屈服,乖乖地求你回家,抑或係想佢聽你話迫走佢阿媽?
有時做人係要接受現實,你結婚之前都知道要同奶奶一齊生活,就應該想清楚自己能否同奶奶相處,就萛個奶奶點野蠻無理都好,如果你丟下仔女唔理走返外家,咁即係俾條難題你老公啫!

你老公其實好都難做,阿媽養大自己,唔通唔遷就佢咩?
老婆同自己生埋仔女咯,又一樣唔遷就佢唔理佢唔得!
自己日日返工夠辛苦啦,忽然間你地嘈吵,你又走左,咁d仔女點萛?

你做了媽媽都會緊張d仔女,咁奶奶一樣係緊張你老公,總之婆媳一齊生活總會因雞毛蒜皮小事而衝突,你同奶奶嘈吵都唔關老公仔女事,如果你忍唔住突然走左,你老公都一樣會氣頂唔去搵你!
如果你仲掛住老公仔女,就應該同老公再聯絡返,問下佢現在d仔女點?
如果佢肯叫你返去,咁咪返去啦,再拖落去就你啱都變成唔啱了!
邊個啱唔啱都先要照顧d仔女先,慢慢再商量點搞好婆媳關係啦!