今個星期日第一次去澳門

行程1:
早上抵達澳門後, 你可以在碼頭搭新福利3號, 3號A巴士或澳巴10號線去議事亭前地, 然後步行前往大三巴牌坊. 再行上少少就會見到澳門大炮台+澳門博物館(博物館逢星期一休館). 之後可以在大三巴再步行5分鐘去戀愛巷+聖安多尼教堂及白鴿巢公園. (當你落完大三巴前面的樓梯, 面向大三巴牌坊時, 你的左手面有一條路仔, 沿路仔行5分鐘便到戀愛巷及聖安多尼教堂及白鴿巢公園, 果條路仔有好多古董賣的), 跟住可以去埋附近的澳門消防博物館, 地址: 澳門連勝馬路2-6號.
中午可以在議事亭前地中央郵局附近的黃枝記食LUNCH, 主要係食中式粥類及粉麵. 下午可以到福隆新街睇下一些特色的街道(福隆新街在議事亭中央郵局對面的澳門民政總署旁邊的橫街入去, 整條街的門窗都係油上紅色的油漆), 然後在新馬路搭澳巴10號線, 在總站落車便到達媽閣廟及海事博物館. 之後可以去附近的主教山小堂.
傍晚可以落一落去位於新口岸的觀音像及宋玉生公園參觀. 晚上可以去漁人碼頭玩. 如果你有興趣睇賽狗的話, 晚餐後可以在新馬路搭巴士去拱北, 在紅街市附近下車然後行一段路去逸園賽狗場, 入賽狗場只須10元的入場費, 憑入場券可投注一次. 賽狗場門口有好多大排檔的, 之後順道去埋賽狗場附近的三盞燈睇特色街燈.
行程2:
早上可以去盧廉若公園及二龍喉公園舒展一下筋骨. 二龍喉公園係有纜車上松山燈塔的. 燈塔旁邊有一間聖母雪地殿聖堂, 始建於1626年. 之後可以搭車前往氹仔, 你可以在氹仔的益隆炮竹廠下車, 到龍環葡韻睇萄國的特色住宅(此處是澳門八景之一), 整座building富有萄國的色彩以及用粉綠&白色為主色. 如果想入埋屋睇的話, 最好是在星期日及5時前去到. 因為在出面睇座building係唔駛$$, 入屋參觀要比入場費, 而星期日入屋參觀是免費的.
中午由官也街行大約10分鐘便可以去到富有中國色彩的花城公園遊覽+食Lunch, Lunch後去四面佛. 下午茶可以去大利來記食馳名的豬扒包及絲襪奶茶, 不過最好要在3:00pm前霸定位, 因為大利來記每日3:00pm會有新鮮的豬扒包出爐, 到時會有好多人去食, 遲D去的話就會賣完無得食架啦! 之後去返官也街買手信, 你亦都可! 以去官也街9號A的莫義記品嚐特色的三色大菜榚, 如果沒有記錯的話, 應該6-7元就有交易(營業時間至晚上七時半).
晚上可以去附近的熊貓餐廳食地道的萄國菜及去威尼斯人渡假村. 請緊記要預鬆D時間由氹仔出返碼頭, 因為預左會有少少塞車.
行程3:
早上可以去路環的黑沙灣OR竹灣等海灘踏下水, 之後可以去路環西部的石排灣郊野公園行下山及去郊野公園內的土地暨自然博物館. 中午出返去路環市區的聖方濟各教堂, 教堂前有一個具葡萄牙傳統風格的廣場, 廣場兩旁設有餐廳和咖啡廳可以食Lunch. 另外, 還有一座紀念碑, 紀念路環市民在1910年戰勝海盜的事跡. P.S.: 當你去到澳門後, 記得在碼頭的遊客服務中心攞番份免費澳門地圖及巴士路線表, 到時就唔會唔識路及唔駛怕唔知知點搭車. · 另外, 到了澳門落左船離開碼頭一直行, 會有好多酒店及賭場既免費專車提供接送服務, 如果有車會去到你既目的地就去搭喇! 我成日都去搭賭場免費專車, 就算唔賭都無問題的. 酒店專車可能要你出示住戶證明, 上車時最好問清楚. 澳門碼頭及金沙賭場均有免費車前往威尼斯人.

2011-09-02 12:00:58 補充：
你可以去澳門2間巴士公司下載路線圖的:
澳門巴士: http://www.tcm.com.mo/
新福利巴士路線表: http://www.m-ccc.org/link/Bus.htm

2011-09-02 12:02:33 補充：
可以搭賭場巴士, 去到唔賭就走, 沒有人會理你的

我是澳門通, 請看我的blog http://blogcity.me/blog/list_blog_edit.asp?f=PHYRRNRTB1723&page=&catID=3245&catType=c&keyword=&searchtype=&y=&m=&d=

旅遊 澳門 macau

我建議可跟以下方法遊澳門：
1.離開澳門碼頭可在旅遊局索取澳門地圖，步出碼頭向右行到巴士站搭3或3A巴士到議事亭前地，下車後過了馬路向內街行問人到大三巴及大砲台的方向，沿路有很多遊客及路標指示，大砲台上更有澳門博物館也值得一遊。
2.中午可到福隆新街(即下車的後街，又稱手信街)，有煲仔飯(門前有煲作招牌較為抵食)、翅(小菜)、佛笑樓(西餐太貴但好味)。(如果未餓，我建議到下一站先食午餐)
3.由大三巴回到下車地方可乘22、28等巴士到氹仔官也街，可在這裏食午餐，有小飛象(值得一試，價錢合理，最好食燒豬手及燒沙甸魚)，食完午餐可到後街看看澳門古代葡人住宅博物館，參觀完畢可到大利來食豬扒包。
3.再在大迴旋乘新濠車或銀河車(免費)一遊澳門賭業，再乘免費車到威尼斯酒店一看金壁輝煌的建設。
4.如有時間可乘(銀河或新濠)免費車回巿中心，再乘車或的士到媽閣廟及海事博物館，又或到觀光塔遊，晚上可到金沙(記得落船攞威尼斯人優惠券，到金沙食自助餐75%)約200元以下，5:30開始，不限時)或新葡京食自助餐，但要預早訂位，(6:00-8:00)。
一日行程已差不多，希望能令你有一個愉快的旅程。

1.碼頭乘 三號巴士 (新馬路)落,
福隆新街,大三巴,議事亭前地,大炮台,澳門博物館
義順 ( 雙皮奶) 三元 (肉丸粥 )
勝利茶餐廳 ( 虾多士,豬扒包)
(11;0am-3:00pm)
2. 再乘三號巴士總站(關閘)
(中葡 歷史口岸) (沿途澳門舊區風貌 )
3. 威尼斯人酒店車(免費)
澳氹大橋 金光大道新酒店 步行至龍環葡韻 (影相)
4.官也街 (買手信)
晃記 (肉切酥) 車利哥夫 (紐结糖,薑糖)
鉅記 (長蛋卷,杏仁餅)
5.誠昌飯店 (水蟹粥,蒸白蟮,焗禾蟲)
亞曼諾葡國餐聽 (红酒烩牛尾,血鴨飯, 馬介休炒耶菜)
6.乘33號巴士返碼頭回港 詳细地址:http://www.openrice.com/macau

你可以係澳門碼頭揾酒店車去威尼斯人酒店,裹面個商場好靚,再到觀光塔一看,可以上網睇下,去食一餐葡國餐,一日好快就過,如果有多一日可以去水舞間,門票不過都幾貴,重有冰FUN世界,太陽劇團,都直得去,同阿媽一齊上網睇下想去邊到同埋賈錢就最好啦!搭酒店車無問題架,唔會理你架,個個都係咁搭,我一家三口去澳門2日全搭酒店車和一次的士,放心啦