請peterchan7708幫忙

1. 被判無罪, 當然可以攞番訟費 (即係律師費). 除非有特別情況, 否則法官一定批. 數目多少無問題, 因為如果律政處覺得貴, 可以申請交由聆案官裁決 (即係由聆案官決定應賠多少律師費俾你). 申請攞番訟費, 應在法官判你無罪時向法官提出.你當時有律師代表, 點解你律師無向法官申請??2. 理論上雙方不服判决, 都可以要求主審裁判官覆核判決 (magistracy review), 甚至向高院申請上訴 (注意: 係覆核判決 / 上訴, 唔係重審). 但裁判法院盗竊唔係乜嘢大罪,控方輸咗通常會算數, 唔係咁常見會申請覆核 /上訴.3. 你律師當日應主動向法官申請訟費, 或者起碼都問吓你要唔要佢向法官申請訟費. 而家審完哂先搞, 好麻煩. 基本上, 你要入禀番果個主審裁判官要求批訟費, 再排期上庭. 在雙方向裁判官陳詞後, 由裁判官頒下訟費令. 如果裁判官好人, 就可以雙方以書面向裁判官陳詞,免咗上庭. 呢d嘢唔使搵大律師做. 你可以搵番當日嘅律師樓, 佢哋會識點做. 呢一堂嘅錢亦有機會可以claim埋對方. 4. 唔會. 一單還一單. 果單盗竊如果控方不申請覆核, 就100%完哂. 申請訟費係獨立事項, 唔會引致案件重審.

2011-09-06 09:05:58 補充：
我唔方便comment行家嘅做法 / 說話. 以我自己嚟計 (我並唔代表任何其他人), 逢親打刑事官司都係打到有疑點, 利用 “疑點利益歸於被告” 呢個香港法律大原則嚟甩單case啦. 上至高院下至裁判法庭都係咁. 警察話你喺灣仔賣私煙, 有人見到你當時喺中環, 咁控方唔能夠喺毫無合理疑點下証明你喺灣仔賣私煙, 在疑點利益歸於被告呢個大原則下就要放你. 單單 case都係咁, 無分是否技術性擊倒對方喎. 而且警察拉得你佢一定有某樣懷疑基礎, 所以上得法庭嘅case啱好錯好一定有d point. 如果單單都話控方有point不宜申請訟費咁就唔使有訟費制度啦… 唔提出, 又點知個官唔批呢??

2011-09-06 09:06:13 補充：
覆核一定要2星期內提出, 過期就無得搞, 因為覆核唔使提出理據, 你唔滿意個官嘅裁決就可以要求覆核. 覆核完重唔滿應, 先可以2星期內向高院提出上訴. 理論上, 如果有好理由, 係可以向高院申請逾期上訴嘅, 即係過咗2星期先提出上訴. 但個理由要好有力, 例如主理單案個律師瓜咗, 要時間重新做過個 appeal bundle…
同一案件係不能向同一被告控告兩次嘅. 即係話我告A強姦B, 告唔入, 我就唔可以隔幾個月又告A強姦B (告A強姦C就可以), 否則d cases就會沒完沒了. 所以如果佢2星期內唔提出覆核, 你就可以大覺瞓.

2011-09-06 09:06:23 補充：
最好當然係搵番當日嘅律師做, 但佢咁講, 如果而家幫你做, 有自打嘴巴之虞…
成十萬蚊噃! 搵一個事務律師做, 頂多收8千. 搏得過…

有d人的回答將問題簡單化，如果你係acquitted on technicalities，法官會用discretion唔批你costs，你有大狀的，你以為大狀會唔記得ask for costs嗎？你有無做過你自己心知肚明，你用錢買清白，技術性擊倒控方，你算執一身彩了，仲想連costs都claim埋？人在做天在看呀

你可以參考以下網址
http://www.OKonlineSHOP.com
　以下是google搜索結果--
http://www.google.com.hk/search?hl=zh-TW&c2coff=1&safe=active&biw=1172&bih=656&q=%E6%89%B9%E7%99%BCcomingzoo&oq=%E6%89%B9%E7%99%BCcomingzoo&aq=f&aqi=&aql=&gs_sm=e&gs_upl=7586l7983l0l8261l3l3l0l0l0l0l0l0ll0l0
我自己都去開, 希望可以幫到你~ ^T^
比我20分!