的士的時間收費如何計算?

的士收費會在行車和停車時一起計算,當你上車時一落錶的$20(市區的士計)只是包含了首兩公里的路程+停車時間按比例合併計算,每跳的$1.5是以每200米/每一分鐘按比例合併計算作為跳錶準則,沒錯,你行車的路程可能沒有兩公里,但事實上你曾在中途停了車/慢車,故此,該停車時間也會在該$20內按每分鐘$1.5以比例扣除,若你上了車落錶部車不動也只會在10分鐘不跳錶,簡單的說若你由上車地點到落車地點有一公里路沒有慢車,而停車時間不超五分鐘,那就好只需要付$20,大部份的士現時所使用的大吉利錶行車時你會留意到咪錶右下角有一顆紅色小燈在跳動,這表示正在行車收費,停車時有一顆黃色小燈亮著表示計算停車收費,車速過慢時(塞車)則有機會兩顆燈都運作,而每部的士咪錶均需交由運輸署指定地點去調校同埋有膠帶封條,我們是無法調校或隨意更改,其實你若果對車費有懷疑可以叫司機印單,上面會清楚列明詳細停車和行車收費

上面樓主答得好清楚，但我要補充多少問題，咪錶係會累績時間，當第一次停燈30秒，到下盞燈又停30秒，剛好一分鐘就會跳錶，如慢車或塞車樓主亦講清楚。雖然咪錶係做唔到手腳，但有其他方法做，果啲蠱或司機會將兩條尾呔放氣，尾呔正常氣壓係32-34磅，蠱或司機會放氣大約26磅，不但咪錶會跳得快、仲會影響行車安全。另一個干擾方法係用高頻，雖然咪錶係有裝置防高頻和無線電，但蠱或司機會喺癮幣嘅位置拆除裝置，利用無線電對講機，對講機每按一吓，個咪錶就會跳一吓，但呢個方法一般正常司機係唔識去搞，多數攞去有經驗嘅鋪頭搞，無論用任何方式去干擾的士收費錶都係違法，如覺得車費有問題，最好攞收据，可到任何警處報案。