我近年暗戀左個女同學......難道已注定有緣無份!?

本人就黎升中四,近年開始暗戀(睇怕係單戀)左一個班上既女同學,個女仔平時都幾多言,係講少一句野都唔舒服果類,有時佢主動走黎聊我講野果陣(雖然次數唔算好多)個心就會有種好開心既感覺.....但可惜我朋友又唔算多,份人較慢熱,又冇膽+諗唔到話題+冇乜女性朋友,又搵唔到位主動同個暗戀既女仔傾計(我同佢響班房既座位都離好遠).....但我又怕如果無啦啦主動走埋去聊佢傾計又可能比人覺得好怪+比人講閒話(令人懷疑我鍾意佢)......就咁樣成個學年......嗚.....佢會轉去另一間學校(聽講好遠)........響學校連佢最後一面(?)都見唔到.........我怕呢世都可能見唔到佢.....難道真係要就咁講有緣再見!?更因此經常偷哭.......

仲有,我近期已成功硬住頭皮add到佢facebook,但可惜因唔熟而唔夠膽同佢響wall傾,加上對話內容太公開.......又怕如響chat room叫佢又好怪+唐突+比人懷疑自己有動機.....更可能會覺得我嚇親佢......因為貌似冇乜人響facebook用呢個功能.....點算呀?

(其實我最想add佢msn(已搵到佢msn).....但都係因唔熟+怕比人懷疑有動機+令人覺得係偷搵(?)佢msn而唔敢add...........加上冇機會見佢.....搞到搵位問msn機會都冇埋......嗚.........)

依家覺得自己成個傻仔+廢柴咁......我又唔夠膽同身邊朋友講話暗戀左個女同學.....因為怕比人笑+潑冷水.....唔通真係只能妄想第時出黎做野有緣見到佢做同事,到時再搵位主動同佢傾!?睇怕機會都唔多大.....唉....我見佢同其他男同學傾得好開心/玩到好癲/放學一齊行/響fb個wall傾計果陣,雖然我表面上好似冇乜野,扮到唔在意+睇唔到咁,但其實個內心就好似比針拮咁(就算係女同學都唔例外)......直頭有一種好想殺左佢地既感覺.....暗地詛咒佢地不得好死......

(我初頭對個女同學係有D好感,當見到佢果陣就會好開心,有種好想同到佢傾計+做朋友既感覺.......但不知不覺咁暗戀左佢.....唉.....即使做唔到戀人做到朋友都好吖......)

(但自從今年年頭/下學期開始當見到佢果陣個心就覺得好酸.....感覺上變得愈黎愈疏離......成日扮睇唔到佢算.....變得似陌路人一樣.....又會諗起佢同其他男同學傾計/玩得好開心/一齊放學行/響fb個wall傾果陣既痛苦.......點解偏偏唔係我?嗚........我覺得自己多數可能響佢心目中既地位根本可有可無,只係一名過路人......有時更因此偷哭......仲搞到自己貌似殘左好多......)

(我覺得自己根本冇可能會再鍾意/識第二個.......因為自問自己係唔會咁容易就鍾意人果類......可能真係就此孤獨一生......嗚.......)

我真係懷疑自己係咪有病....嗚....呢件事已困擾左我好耐.....可惜始終貌似唔算太多人睇到呢篇野......需要聽多d好心人既意見做參考......請好心人留低你地既msn,thx.....

唉,其實我原本諗住大前提係要傾計果陣唔好比人覺得怪+有心想溝女,只係希望能夠同佢好傾d姐......不過依家睇黎可能已經game over......成為我一生中既遺憾......嗚.........

(自問自己期望都唔算好大,只要能夠同佢做到朋友傾下計都已經好足夠......可惜上天連時間同機會都唔肯比我......其實我原本都有嘗試逼自己唔好諗佢,但始終都做唔到,只會令自己愈黎愈諗住佢........)