有關淘點物流

1我想問點樣比錢
淘點個網話認領合拼之後入淘點個〈訂單紀錄〉到比錢,
但係淘寶唔係禁左立即購買之後就要比錢咩?
流程:
1.禁立即購買後.佢會叫你選擇付款方法(信用咭/支付寶/大陸BANK)
2.如果你用支付寶,系統會先CHECK你個支付寶有無錢.有先會繼續,系統話你夠錢買.咁你就可以確認,呢下唔係即時從支付寶扣數.係HOLD住你要付款既數目.
3.填地址(淘點/香港地址/其他地址),
4.等你收到貨你要確認付款,呢下就真係比錢啦,你唔確認7日後都會自動付款
5.如果收到貨後有問題要退貨就要快,大陸人一收到錢就唔睬你
P.S.用信用咭或者BANK就會真接過數

2另外,如果我想淘點幫我送貨到香港.我要唔要係淘寶到做類似開通果D野或者要唔要經淘點個網入去淘寶到買?
定係咩都唔洗整,買左一樣野就寄去陶點個地址,跟住認領?
淘點你可以當係一個中轉站.你向個賣家買完野,叫佢寄去淘點個地址.佢會再寄去香港OK.到貨後你自己去OK拎貨
當然你可以叫賣家寄去你屋企或公司,運費會貴D.買之前問一問賣家


3我想問個運單號碼係邊到囉?
你可以睇返"已買到的寶貝",你買既野係晒入面,每樣野都有一行叫查詢物流

補充 用淘點買野係淘寶個網個支付方式到係簡支付寶定網點支付
你有支付寶咪用支付寶.無就睇下自己用咩方法

p.s.買野之前留意賣家有無講買夠幾多就送運費,如果有的話你按購買後,叫賣家改好運費,查清楚先好確認

用淘點物流請註意, 如轉運到香港的貨物有質量問題要退貨, 賣家不會承擔由香港寄轉運站的退貨運費, 理由是他送貨的地址不是香港, 就算你維權也不會受理. 如果是郵寄電器更死, 淘點不會替你退電器, 要自己找快遞公司退貨, 以我為例, 價值93元人民幣的東西, 要付117元港幣退費, 各位買家要小心.