✔ 最佳答案
1. 去邊間監獄服刑會考慮好多因素 (背境、刑期、罪名、年齡等等), 唔係單單睇刑期. 例如名人犯人就不論刑期, 大多數去赤柱. 一般普通人, 判1至2年, 無特別事項 (精神病、嚴重毒癮等), 無錯係好大機會去東頭. 馬坑係老人監獄, 如果佢係年紀大嘅話, 亦有機會去馬坑.2. 服刑中嘅犯人每月可以探2次, 每次30分鐘. 每次探訪只限2人. 犯人可以申請每月加多2次探訪, 9成會批. 叫佢落監頭簿申請就得. 規定係30分鐘, 但通常低設防監獄探訪係鬆手d嘅, 探40-45分鐘成日有.3. 叫犯人做師兄. 叫普通懲教職員做乜哥 (叫名 – eg. 昌哥、明哥). 每個職員都有名牌, 睇名牌叫就ok. 大粒嘅就叫乜sir (叫姓 – eg. 陳sir).4. 入面有志願團體教讀書, 但只係小學程度. 大部份人想讀書就要自修.5. 第二日就可以入. P.S. 入去探訪時叫佢申請定加探訪 (如有需要)記得落齊批准探訪嘅人名. 無名唔俾探 (直系親人就有走棧), 亦唔俾即時加名.
2011-08-31 12:36:33 補充：
1. 基本上喺監獄內乜嘢都耍申請. 喺監獄內每個囚犯會到嘅地方, 都有一本簿, 供犯人寫低想申請乜嘢嘅. 簡單事項 (eg. 加探訪)就會由CO(監頭)批咗後寫番喺本簿度, 犯人自己睇番批唔批. 有d事項就要見CO, 見咗先知批唔批. 呢本簿就叫監頭簿.
2. 可以. 總之同一時間唔可以多過2人.
2011-08-31 12:36:46 補充：
3. 係. 收押可以入煙, 入零食, 入日用品, 入牙刷…諸如此類. 判咗刑之後就只可入毛巾, 紙巾, 信簿… 煙, 日用品, 零食…要做工作, 賺到工資先可以買. 監獄附近d士多全部有得賣監獄規格物品, d老闆們勁熟乜入得乜唔入得, 你可以去睇睇. 收音機要先申請, 批咗後由家人入錢到監獄, 再由福利官代買.
4. 第二日可以探. 最好帶埋嘢去, 因為第一個月最難捱, 無人工就乜都無….
2011-09-05 08:18:35 補充：
1. 係. 只可入膠框無色膠鏡片眼鏡
2. 唔係. 由洗衣期 (洗衣部)其他犯人負責, 一星期洗2次
3. 係. eg - 無煙洗衫要洗大棚, 即係洗衫時洗衣期犯人唔會落洗衣粉. 有煙就可洗私家衫, 落洗衣粉兼柔順劑.
