呢種關係應該點做?

我同我男友(簡稱A)分左手，因為佢識左個男朋友，仲同我講話佢只係鐘意同性。之後我好唔開心，男生B(佢係A既best fd)就開解我，之後佢同我講原來佢鐘意左我1年，因為我同A拍拖佢先冇追我。佢對我好好，我都試過逼自己鐘意佢，但我真係對佢冇feel。

之後我女仔best fd呀C同我講，原來男生D(係我fd，亦係A既fd)上年鐘意我。我果陣都有小小鐘意佢。過左好耐，啊C同我講，佢鐘意男生D。佢地兩個既誹聞都傳得好行，差唔多全級都知。聖誕果陣C同男生D開玩笑咁係MSN表白，男生D話信C鐘意佢。

跟住呀C去左外國留學，而男生D轉左學。有一次約左成班fd出黎唱k(包括B,D)。果日同男生D講左勁多野，返到家果陣，我覺得自己真係鐘意左男生D，但係我又唔知呀C而家仲係咪鐘意佢。

但其實係男生D心目中，呀C係重要好多，因為之前呀C幫左佢好多，佢好感激呀C，亦覺得同呀C好岩傾，但我唔知佢係當佢朋友定真係"鐘意"。

而家男生B已經鐘意左我2年，最近佢公開咁追我，仲係成班面前送野比我。而男生A同埋男生D，仲有我既朋友都以為我係鐘意男生B，但其實我唔係。有時候我又會想起男生A，我唔知自己係仲鐘意佢定只係覺得唔抵。

Q.1 我應唔應該鐘意男生D?

Q.2 我好冇同男生D表白? 但我又驚呀C仲鐘意佢。

Q.3 其實我想同男生A做番朋友，但我又驚會鐘意番佢，點算? 同埋各位覺得我有冇同佢做番朋友?

Q.4 有時我好唔明白，我咩都冇做錯，點解男生A會鐘意左個同性。我仲成日發夢發到男生A話追番我，不過我唔show佢。究竟我而家對佢係咩feel?

Q.5 男生A以為我同男生B有野，所以斷絕左兄弟關係，男生A既朋友叫男生A搵人"整"男生B。因為男生A當左我係仇人，我都唔知點解。我唔想害到男生B，點算?

Q.6 我想同男生B講清楚我只係當佢朋友，但唔想傷害到佢。其實之前我已經用好婉轉既方法同佢講過，佢明白左之後果晚介手自殺，好彩最後冇事。咁我應該點同佢講?

唔該咁多位幫下我呀，thanks!!!