哪一組最有機會打敗呂布?

首先我們說一說呂布呂布
特質:不講道德規範,反覆無常,有勇無謀..
優點:一身好武藝
擅長武器:方天畫戟.長一丈二
**
劉備
特質:自稱 劉皇叔 一生懷抱[上報國家,下安黎庶]
優點:仁義之心.使諸葛亮和趙子龍等五將終身追隨,至死不渝
擅長武器:劍??
**
關羽
特質:不戀金錢
優點:武藝絕倫,神勇無人能敵
擅長武器:青龍偃月刀
**
張飛
特質:有勇有謀
優點:其其猛
擅長武器:丈八蛇矛
**
曹操
特質:亂世奸雄
優點:善於用兵,容人用人,處事果斷
擅長武器:不知道
**
夏侯惇
特質:為人剛烈,極重外表
優點:忠心於曹操,好學,專師
擅長武器:不知道
**
夏侯淵
特質:戰功顯赫.智兼備
優點:性格剛烈,作戰總是衝鋒在前
擅長武器:不知道
**
孫權
特質:不懂帶兵
優點:一雙善於發現人才,識拔人才的慧眼
擅長武器:不知道
**
甘寧
特質:分析形勢
優點:才能好
擅長武器:不知道
**
太史慈
特質:七尺七寸，有美鬚髯
優點:猿臂善射，弦不虛發,其箭術相當了得，享譽當代
擅長武器:箭術
**************
呂布最有可能死於第2組(曹操 夏侯惇 夏侯淵)

因為史書記載
東漢建安三年（198年），曹操攻打呂布的根據地下邳，因呂布有勇無謀而多猜忌，不用陳宮建議，諸將又各自猜疑，所以每戰多敗。曹操圍攻三個月，決水圍城，呂布軍中上下離心，其部下侯成、宋憲、魏續反叛，縛了陳宮投降，呂布在白門樓見敵軍攻急，大勢已去，於是令左右將他的首級交給曹操，左右不忍，便下城投降。呂布被捆到曹操面前，曾要求鬆綁，曹操笑說：「綁老虎不得不緊。」呂布又說：「曹公得到我，由我率領騎兵，曹公率領步兵，可以統一天下了。」曹操頗為心動，但劉備在一旁說：「君不見丁原與董卓的下場嗎？」呂布死前說：「大耳兒（劉備）最不能相信。」，最後呂布被縊殺，其陳宮、高順亦被處死，張遼則領兵向曹操投降。

而第1組根本無可能打敗呂布
因為呂布和張飛於汜水關單挑五十多個回合,末露敗相,關羽衝上去助張飛,雙方仍然不分勝負.

如將三國分成前中後3期

前期武將184年~210年 7人
典韋 呂布 高順 顏良 文醜 孫策 太史慈

中期武將211年~230年 14人
凌統 夏侯淵 廳德 關羽 夏侯惇 張飛 黃忠 甘寧 張遼 馬超 徐晃 許褚 周泰
趙雲

後期武將231年~280年 5人
張郃 魏延 姜維 鄧艾 文鴦

26名將中
有14人死於211年~230年


(1君主 + 2猛將)陣容中
早期 孫堅 孫策 太史慈 最強
中期 曹操 夏侯惇 夏侯淵
後期 劉襌 魏延 姜維

steventtw20他好好

chris:
多謝你的寶貴意見...

你說得對,正史應該係"張益德"

孫堅正史斬華雄,非關羽斬

孫稀號稱小霸王
太史慈早年單人匹馬救孔融 武藝之高,令人佩服

點解會有這些組合
係想比較 劉備 關羽 張飛 時3英戰呂布
即1君主 + 2猛將

如果照你的組合
孫堅,孫策,太史慈
的確武力最高
因為孫堅呢位君主拉高武力,而又可以比較劉備 關羽 張飛

馬超,張飛,典韋的確很強,極有可能打敗呂布
不過3位都是猛將
唔可以同 劉備 關羽 張飛 比較
如果係就要改劉備了...

2011-08-31 02:06:04 補充：
哈哈
我最初玩三國
就係"吞食天地",
第一關大佬就係李典

印象最深刻係同樂進,張遼守合肥
仲有博望坡勸夏侯惇不要追擊劉備軍

你唔講我都唔知佢咁早帶兵
同埋咁早就死咗...
好多人知有李典,但因為不爭功,所以不太突出
不過我都覺得佢係2線猛將,都唔差

假設都不要緊
因為"哪一組最有機會打敗呂布?"都係假設問題
應該以各人巔峰時期計算

如果2打1
江東之虎+小霸王 很強
個人認為 孫策+太史慈 為你所說的4組中最強
2個都係1線強將

2011-08-31 02:11:40 補充：
題外話

原來有1個1線強將中
不為人所知
此人就是有"第2代趙雲"之稱嘅文鴦
因為佢年代太後
好多人睇三國睇到諸葛亮死咗(234年)就無睇落去
文鴦(238年~291年)
攻打司馬師叛軍時(255年,文鴦18歲),
嚇到司馬師做咗手術嘅眼珠甩出嚟,
之後仲單槍匹馬衝入數千騎兵陣中，轉眼間便殺傷百餘人，進出六七次，追騎不敢逼近。

"演義"
1:曾和末代猛將鄧艾打四五十合不分勝負
2:在毋丘儉起兵反亂之際，以反亂軍的一員猛將之姿登場，演義內文記載文鴦身長八尺，擅使長槍鋼鞭，驍勇善戰，足匹趙雲當年之勇。詩贊：

長坂當年獨拒曹，子龍從此顯英豪。樂嘉城內爭鋒處，又見文鴦膽氣高。

2011-09-01 12:20:51 補充：
其實李典唔差,不過都只係做配角,"演義"度輸比趙雲,因為羅生又要抬蜀=.=
好多人都係睇"諸葛演義",唔係"三國演義",
成本"三國演義"係184年~280年,
但諸葛亮死咗就唔睇,只係三國演義嘅一半
到咗後期,姜維,鄧艾就係主角,
仲有陸遜,司馬懿,鍾會,文欽,文鴦,丁奉,廖化......等人物
睇到一半就好可惜...

其實全三國,我最鍾意典韋,
曹操好色害死佢,
真係好不滿...

演義連張飛的「字」都老作埋lol

如果附和演義的內容,小弟覺得孫堅,孫策,太史慈的機會更大打販呂布,就算不是演義也是,只可惜孫堅早死,討伐董卓時孫策還年少

如果陣形無限制,小弟覺得馬超,張飛,典韋

2011-08-31 01:17:36 補充：
題外話:

我從最初玩3國志就幾中意李典.網上見到話佢可能22歲前已帶兵討伐黃巾賊建功,為人好學問,頭腦冷靜不爭功.在整個三國中雖不算特出,但都算在中上之列,只可惜36歲就釘左

如果一定要君主+部下,如果變成2打1
最有可能勝出的只有3個
孫堅+孫策(純粹假設,現實等到孫策長大孫堅就死了)
孫策+太史慈
公孫瓚+趙雲
馬騰+馬超

2011-09-01 00:47:07 補充：
又係題外話:
小弟冇玩過吞食天地,不過係網上見過一篇講過,話佢係game都係曝光率低,早期的game低力值仲係偏低.....到吞食天地時就曝光率就高d,所有玩家一定見過佢,因為佢就係第一關的大佬,亦係被擊殺最多的大佬.....都唔知笑唔笑好
小弟都記得玩game睇文鴦的列傳,都記得話佢勇武可比趙雲.
如果計三國末期,小弟較喜歡鄧艾,覺得佢比姜維更文武雙全,只可惜被鍾會所害
另外steven兄話曹操都有用人唯親的一面,可從賈詡可看出.無錯曹操的確欣賞佢的才能,但都係呼之則來揮之則去.賈詡都好識做,冇咩特別事都做個閒人,所以都能活到80幾歲善終.不過都不能全怪曹操,賈詡都算間接害死典韋同長子曹昂.

三國演義有好多內容與史實不符，其中話呂布武功天下第一就大有可疑之處。雖然呂奉先武功高應該係真，但三國時代武功高強既武將不止呂布，甚至無直接證據話呂布武功第一，話佢勁到可以一對三力戰關羽及張飛等超級猛將更係過份渲染。係三國時代中，小弟認為張翼德先係天下無敵。要知道三英戰呂布係虛構情節，無實質證據話佢既武功係劉關張三人之上。

張飛係三國時代既超級英雄，此君未跟劉備之前據佢自己講係天下遊蕩，做生意為生。問題係漢末社會混亂，平常人唔出門都隨時被殺，張飛可以於咁惡劣既環境下逍遙自在，你唸下佢係何等英雄﹖張飛軍事生涯極端成功，由佢直接指揮既戰役只輸過徐州，而且大家都知道徐州之失係因為劉備過份窩囊，過份相信呂布，令佢有機可乘偷窺勢孤力弱既張飛。而且，呂布此人生性驕橫，跟邊個唔順超就殺邊個，但點解佢唔殺劉備，反而等劉備及關羽都唔係徐州時先至發難﹖呂布應該唔係驚劉備，但證明至少對關羽，或關張聯手有所忌憚，所以唔郁手。呂布雖得徐州，但始於殺不了張某人，後來張飛仲憑自己實力上山做左山寨王。相反呂布被曹操圍城，連曹軍大將都無殺幾個就被擒。呂布知道被捉肯定無命，如果佢武功真係咁厲害，點解連殺曹軍感覺上武功無咁好既大將都唔得﹖又或者呂布被擒嗰一刻，點解佢唔好似項羽咁殺敵人一個片甲不留﹖西楚霸王係真英雄，漢軍無人能生擒，佢逃走後自刎而死。呂布邊有咁犀利呀！全部都係羅貫中老作。

話曹氏三兄弟武功高過劉關張就實在太過獎佢地，首先無論睇乜三國作品都好，小弟都無聽過夏候兄弟有同出名既武將單挑過，甚至夏侯淵係被黃忠所殺，我唸大家好難相信黃忠武功好過關張二人。另外，張飛於長板橋為劉備斷後叫陣，曹軍無一大將願意挑戰，可見關張二人之厲害。

2011-08-30 23:45:03 補充：
如果計埋演義，咁呂布的確係天下第一好打。樓主係識貨之人，典韋及許褚都係蓋世猛將，只係前者死得太慘。樓主講夏侯惇可以不經通傳入曹操房或經常成為魏軍前鋒，正正暴露左曹操帶兵其中一個最大既問題，就係極端用人唯親。我本人好睇唔起市面上嗰啲平庸三國書既重要原因就啲人成日講曹操用人點樣點樣勁，但曹孟德只用親信兄弟就永遠無人鬧。

2011-08-30 23:59:43 補充：
魏軍高級將領明顯親疏有別，樂進李典拋頭顱灑熱血幾十年，得到乜野﹖樂進兵敗被擒，曹操竟然怪佢唔一死以明志！相反夏侯惇係前鋒大將，但竟然係博望坡全軍覆沒！最後仲要比李典救出。夏侯惇孭左咁大鑊不止唔駛殺頭，連似樣啲既懲罰都無，令人汗顏。

2011-08-31 00:06:25 補充：
睇楊修之死，楊修既死罪係擾亂軍心，呢單野的確係無屈佢，但被擾亂軍心既係邊個﹖又係夏侯惇！當時楊修只係一個區區行軍主簿，即係隨軍會計師，以現代來講軍階最多去到中校，但夏侯惇係上將級核心大將。此等軍政要人點會隨便聽一個低階軍官，而且仲要唔係野戰軍官亂吹水﹖如果要治罪，夏侯惇必定要被重罰，可惜曹軍親疏有別，對曹操來講，身邊要人最緊要可靠，能力是否夠高絕不重要，怪不得曹魏不能統一天下。

2011-09-02 23:52:35 補充：
原來樓主都係吞食天地既fans，小弟多年來都想問邊個係淳于導、晏明及夏侯傑﹖樓主講到既滄海遺珠，我最有同感既係凌統及郝邵。凌操凌統父子係吳國核心大將，尤其是太史慈及甘寧死後，凌統更係國之重臣，只係演義著墨不多。郝邵力敵諸葛亮，已證明佢能力上乘，只係佢出現較遲，被提及太少。