政府做手術割墨 {急!} [有經驗者&醫生請入!!!]

[匿名]

2011-08-27 10:50 am

我下巴有粒大約3mm既黑色墨,似係凸起左既黑色肉粒, 唔知幾時開始,就feel到有D痕, 可能係心理作用啦, 但之後我就去左政府度睇醫生, 之後轉介左去明愛皮膚專科度畀醫生評估, 最後都批左...但係問題就黎啦!!

我問左個醫生粒墨係點割走,佢就畫左個圖,同隻眼咁, 可以咁理解-->當粒眼珠係粒墨,就沿住隻眼個area割走

1.我問醫生, 手術後會唔會有疤, 佢就猛話保證唔到, 又話要冇疤就去美容/整形部做手術...老實講我都預左或多或小有會有疤, 但究竟係幾大到?

2.我覺得粒墨咁大,可能有根, 但係個醫生話'咩根?我唔明你講咩喎!' , 咁姐係有冇根呢?

3.割走粒墨之後, 果逹位會唔會凹左落去?

4.唔想有疤既話可以做D咩補救下? 除疤膏?用薑磨走D埋左口既傷口? 只要有用既就講啦

5.政府醫生會唔會求其D?始終佢地真係好忙好忙...

其實我自己覺得粒墨生係下巴都幾覺眼, 無論有痕定係凹左都一樣好核凸, 真係好驚好驚, 希望有人可以幫到我, thx!!!

回答 (1)

2011-09-06 4:32 am

✔ 最佳答案

1/ 有冇疤除左手術做得好唔好就係體質問題，D人無論個手術手勢係幾好，條疤就係有幾大發幾大，另外如果唔好彩發左炎條疤亦會相對變大，呢D係所謂風險所以係無得講有或者無，買六合彩唔會包中，亦無包生仔。開刀隻眼幾長傷口就有幾大，你可以當係條疤可能既長度，但係如之前所講可大可細。

2/ 3MM唔算大……至於根既問題你可以假設唔存在（亦即係話唔會要界大D先除到粒癦，除非佢唔係癦……

3/ 如問題1&2，通常都唔會，但凡事有例外

4/ 傷口唔發炎已經幫到好多，其他睇天意

5/ 你咁諗既話睇私家好D，起碼出事有得賴……

參考: 公家咁都肯做已經好好……通常呢D美容問題都唔會理你。呢D野佢地割左會拎去驗……驗左真係普通癦就好，唔係都有排搞

👍 0 👎 0

政府做手術割墨 {急!} [有經驗者&醫生 請入!!!]

回答 (1)

政府做手術割墨 {急!} [有經驗者&醫生請入!!!]