想買現在住緊的公屋

如果你果度問左可以買，咁就即係買得。
買左既公屋，就係當私樓處理，樓價緊係會有上有落啦。
其實講真，買公屋係咪真係有機會轉到手，真係要好睇時候。入息高或中等既，買都會買私樓或者二手居屋，私樓就轉手快，二手居屋就夠實用。相反買公屋，個人認為市場需求一般(個別屋苑除外)，因為一向公屋俾人既印象都係管理較差，住係度既人比較複雜。因此，如果你唔係諗住自住既，買就唔建議啦。
銀行息口當然會變，但早前美國聯儲局宣佈左係未來兩年都維持現時既超低息率政策，所以可預期既係，兩年內息率上升空間有限。
至於仲有咩要注意，就係要注意條村既範圍有幾大，當中包括幾多個斜坡。因為斜坡既維修同檢查費係好貴既，而呢類費用係由條村既業主共同負擔。仲有，你要了解下你地條村有無咩大型維修做緊//即將要做，再睇埋房署當年俾你地條村既儲備用淨幾多。如果筆錢唔夠用，而黎緊又有好多大型維修既，你既負擔會相當重。
有關村既問題，你可以去返屋邨管理處(唔係房署既屋邨辦事處，係管理處，業主立案法團請果個)，攞返法團既開會紀錄，或者有關資料睇下。

你有冇積蓄,要不要 銀行貸款, 是不是戶主,平日有冇假期,因要去律師樓簽約,
我剛完成簽約.

2011-08-29 00:25:32 補充：
樓價升了一倍

樓上沒有說錯，租置計劃停了多年，但出售的屋邨有部份單位未發售，這些單位的現租戶可以買，但樓價升了不少，當年集體賣樓有折上折，今日沒有了，出售公屋以重建一間公屋的建築成本訂價，近十年建築成本大脹，因此租置樓價也大賬，租置的賣價與樓價沒有直接關係

房委會的《租者置其屋計劃》已於2002年停止了，如想買的要去公屋二手市場(當然不是你住緊果間喇)！