其實你又吾好咁諗,咁佢地有約你你應該開心先岩,其實約去街冇話邊個約先邊個約後架。可能佢地約定先搵你去係因為你份人好隨和啦,姐係去邊,幾時等等你都吾會say no既,而你另一d既朋友可能成日吾得閒丫,好難約等等,所以要等佢地得閒都吾定:) 你諗下~如果人地吾當你係朋友咁點解又會約你去街呢。我都好怕比人忽略架,所以難得有人約我都會好開心,至少人地冇忽略我:) 又或者你可以主動約佢地出黎都ok架;>
其實..我都同你差唔多呀
但..要知道就係, 既然你係在乎既, 咁點解仲要放手呢係咪?
如果唔想再要佢地做朋友, 而你能夠輕易而舉就放低到佢地既, 你自己都冇當過佢地好重要啦係咪:)?!
如果你真係當佢地係好朋友, 你放手, 你會痛.
咁何苦俾苦自己受?
冇錯計較一定有
但衰啲講句, 每個人身邊總有個後備
幼稚? 點會呢? 請唔好咁諗自己呀..
世界上冇人未試過妒忌架:D!!
真心呢啲..真係要憑感覺
但對於好似我地呢種人嚟講..自卑左些許啦可能(指對呢段friendship)
所以話唔定, 自己已經先入為主左啦
我係覺得..既然你未搵到另一個人可以代替佢地, 唔好輕易放棄
朋友, 唔係話冇左就可以有番.
到有朝一日, 原來你需要既始終係佢地, 但佢地未必會再能同你做番好朋友..
總之再諗清楚啲先啦:))
朋友呢啲野..唔好隨便放棄, 如果唔係會後悔的。
我覺得..做人但求無悔姐係咪:)?
唔好咁小氣啦,佢地次次去街都叫埋你,即係佢地都當你係好朋友啦!
你只係嬲佢地約好先叫你,咁又點萛當你係後備呢?
你都知道好難有一個真心的朋友啦,如果你自己放棄唔同佢地一齊,咁就無左兩個好朋友咯!
總之大家啱傾就係好朋友了,好難要求朋友之間的感情會100%對等的,而且感情亦隨時可能會有變化的,即係有時你會覺得同a好傾d,有時又會覺得同b好傾d,就算大家傾少d,但係大家仍然都係好朋友呀!
我認為多個朋友點都好過多個敵人,因為只要大家唔啋就好容易無朋友做,但以後大家要再做番啱傾的朋友就好難咯!
所以你應該想清楚,唔好因少少事就放棄一個朋友呀!
可能你性格唔夠主動,先會次次等人地約你,可能有次係a約b,有次係b約a,咁就變成佢地約好先叫你了,點解你下次唔主動d約人先呢?
你都可以同佢地是但一個約好先再約另一個呀,唔好嬲啦,總之約人點都有先後喎!
2011-08-28 11:56:55 補充：
哈哈,你都知道自己的想法有d幼稚啦,人地點樣對自己又點可以由自己控制的呢?
如果覺得自己無人地咁受歡迎,最緊要研究係點解先?
是否係因為自己有d野無做到,所以人地唔會第一時間想起自己呢?
如果你自己都唔介意就當然唔使想咁多野啦,你既然好介意自己在人地心中的地位,咁就一定要想辦法改善自己在別人心中的形象了!
2011-08-28 12:18:16 補充：
究竟點樣可以提升自己在朋友心中的位置呢?
1,首先一定要大家啱傾性格夾啦,
2,唔怕蝕底,唔會同朋友斤斤計較,
3,要多d關心朋友的感受,唔好因d無心之失說話令朋友難過,
4,唔好太固執,不要因無傷大雅的事而爭吵,
5,要多d主動約人,唔好時時等人約你,
如果你做到以上幾樣,就一定可以増加你在朋友心中的比重了!
