唔知昨晚我係迷睇到英仙座流星??

先恭喜樓主，因為你見到既雖然唔係流星雨，但你見到比流星雨更罕見既火流星。火流星係指一粒特別大及特別接近地面既流星，由於佢係空氣密度大好多既低高度飛行，空氣磨擦比高空更大，所以你會見到佢非常光亮。如無意外，你見到既火流星飛行速度睇落唔係好快，所以先有2-3秒比你見到，而且你應該仲會見到係粒火流星一路飛一路有野甩出來係後方消失，嗰啲係巨大既空氣磨擦搣甩左粒火流星表面某啲物質。小弟知道係因為我係船灣淡水湖主壩都見過火流星。

正常既流星係天空一閃即逝，係突然有一條光係天空閃過，維時最多0.5秒。但我認為樓主見既唔係英仙座流星雨。首先呢個流星雨通常都出現係7月20日至8月20日間。雖然時間唔一定咁準確，流星雨出現可以延遲或提早，但流星雨係真係如字面所講有落雨咁厲害，近年最誇張既一次流星雨就係2001年既獅子座流星雨，小弟不幸無睇到，但睇過既朋友都話嗰次啲流星好似落雨咁灑向各方。我係之前兩年既1999年都睇過獅子座流星雨，雖然無2001年嗰次咁勁，但一個鐘都有十幾廿粒流星，樓主一整晚都無見到幾粒流星，所以應該唔係流星雨。


樓主附圖嗰幅唔係流星，而係彗星。雖然兩者都係漂浮於太空既石頭，但流星會跌入地球大氣層，彗星只係於地球附近經過，之後會飛走。你見到粒彗星咁光，有條咁長既尾，係因為當彗星接近太陽時，太陽既熱力會蒸飛走彗星表面一啲物質，啲物質向後飛走，形成彗尾，而粒彗星就係前頭最光亮既地方。

值得一提既係流星雨既形成係因為有彗星經過地球附近，如果粒彗星會飛過地球運行軌道，通常佢都會甩啲石仔出來，殘留係地球軌道附近，當地球過行到嗰個位時，因為引力關係會將呢啲石仔吸入大氣層，形成流星雨。由於石仔通常都係由一個方向進入地球大氣層，係呢個方向上見到嗰個星座就會成為呢個流星雨既名。英仙座流星雨就係話啲流星係由英仙座方向而來。流星雨既大小視乎有幾多物質殘留係軌道上，所以某啲流星雨即使一年有一次，但雨量唔會穩定。以獅子座留星雨為例，雖然佢年年都有，但由於形成呢個現象嗰粒彗星大概33年會回歸一次地球，所以每隔33年就會有一次極大期，上次極大期就係2001年嗰次，但其實之前天文學家估既係1999年，小弟就係見99年嗰次係流料，所以無睇01年既精彩演出，到依家都引以為憾。

火流星 ah, i wanna see too, but i observe stars also can't see ah.