請問廁所去水很慢,有什麼方法解決

關於你既情況,可以有多種可能,最好係搵師傅現場判斷,咁會比較貼近現實.

以下係我自己既親身經驗:

1.買錯馬桶.香港既屎渠多數係3種:高,低,地去水.香港買到既馬桶,多數係岩多層式大廈使用,但國內有d馬桶係只能用於平房,用於多層式大廈係唔掂.

2.渠位與馬桶之間用錯配件.最經常出事係風琴喉,師傅冇改短硬喉,令琴喉造成過份屈曲.

3.水箱水位過低.部份品牌既水箱係裝好喵配件送黎,並設定於3L/4.5L沖水,需要自行設置成3L/6L.

4.部份馬桶必需配合氣喉,而氣喉可設於室內/外,假如設於室內,而師傅安裝時為左貼牆,好有可能會CUT左佢,沖水能力扣7成.

5.塞馬桶.多數出現於低咀座廁,高/地去水駁渠位係4吋,低去水係3吋,所以,就算只係一支牙籤,只要咁岩打橫欄住,就會扣實廁紙.

6.同樣係塞馬桶,情況接近第5項,但就係塞橫渠,多數出現於新樓,廁所冇窗而用地去水果隻設計,呢個情況要專家處理.

7.駁錯渠.如果係劏房果類,係咩錯事都可以發生.
PS:4吋屎渠,一跆跟落去,駁左條2吋渠都夠膽死.

2011-08-23 23:42:10 補充：
做工程唔同算命,唔係講出時辰八字就可以幫到你,要係好具體描述,或者根本係需要現場做測試.

2011-08-24 16:42:47 補充：
絕對唔同意,因為氣喉扣7成沖力,係肉眼睇唔到,舉例,1公升同10公升既水,容量係後者多而可以睇見,但壓力就唔會因為容量多少而成正比.所以,冇回風係一樣去到水,就算用2吋喉(扣面積)一樣去到.

扣7成係基於向量原理計算:當兩者運動方向相反而撞,力會互相抵消;相同方向而撞,力會變倍.

而多層式大廈,高層與低層(30層),所受氣流影響亦係3倍之差,故此,2個基數下作計算,扣7成實為中間偏保守之估計.

2011-08-26 16:49:37 補充：
有d人問野,就唔係存心搵人幫,佢只係想知道其他人睇法,從而加強自己既信念.

例:男女感情問題,事主其實心中有哂打算,仲要問,係期望多數人同佢想法一致,令自己更加肯定自己係"岩",所以,其他意見,事主係聽唔入耳.

例:有客問你做單工程幾錢,即係師傅唔該打個價,講講下,你可能發覺個客比你想像中更清楚個細節,因為個客其實已經搵人做左,佢只係想知道佢個師傅有冇收貴佢.

2011-08-26 23:41:11 補充：
佢自己咪就係果個師傅LOR.

約二十小時就夠鐘,搭爹幾句.
唔知題主是否同師傅關係搞僵,被人整蠱.
我曾見一單:拆卸馬桶後,發現風琴喉屑住一塊圓罐頭鐵.
所以....小去大不去......

大都可能是條排水渠塞塞地.你試下到五金什貨店,買支雙魚牌通渠佬,這是強酸液體,用時要帶膠手套,酸性不會易負食膠手套.及用時打開窗戶.當開保鮮紙封口後,慢慢放通渠水落坐廁內,關廁所門約半小時,讓通渠水發出化學作用,把淤塞物通,試放半樽後沖廁.
半小時後開水沖廁看看是否暢通.

為何不向替你換坐廁的師傅投訴，他怎麼說？說坐廁本身的去水設計有問題嗎？

2011-08-23 16:56:06 補充：
那你希望人家怎樣幫你？

2011-08-23 18:00:07 補充：
當然有方法解決，但要先找出原因。

如果「不能向換坐廁的師傅投訴」是因為他早已告訴過你這坐廁的去水設計有問題，唯一的解決辦法就是再換另一個新坐廁。

如果「不能向換坐廁的師傅投訴」是因為他早已告訴過你這坐廁的去水咀與牆身的糞渠高低不吻合，例如形成倒斜等，解決辦法就是再換另一個新坐廁或鑿穿外牆更改糞渠高低位置，但後者旨在提出一個可行性，是不合邏輯的笨選擇。

知識+中見過那坐廁及知道牆身糞渠情況的只有題主你一人，你對現場情況最了解，你認為是甚麼原因出現塞渠現像呢？要知道原因大家才能提供換坐廁以外的其他解決辦法啊。

2011-08-24 00:17:53 補充：
「做工程唔係講出時辰八字就可以幫到你」
哈哈，金句！
原來大文兄係馬桶專家，失敬，失敬。
不過你所講既第4 項會唔會誇張咗d。平時高過某一樓層既話，同我拍檔既水喉師傅就分分鐘cut咗d客條氣喉，去水邊有失去七成沖力咁誇張，所以而家要同你講價。去水只失去一成沖力，同唔同意？

2011-08-24 05:44:06 補充：
Tai Man是坐廁專家，在下則是分析專家，而家玩雙劍合壁。

1. 買錯只適合內地平房使用的坐廁。
這點先求取有無否定資料，請問題主的坐廁是否在內地買的呢？

2. 渠位與馬桶之間的風琴喉過份屈曲。
「過份」兩字雖然是對比性質的抽象形容詞，行外人實難以定義何謂過份，但題主仍可探身看看那風琴喉，是否予人屈曲得太厲害的感覺。

3. 水箱水位過低。
我本人並不認同此一理由，因為題主曾說「在大便後去水特別慢,往後不論沖多少次水都是一樣，用廁所泵泵數次後，去水又回復正常」。這更是可以求證的，題主你揭開水箱蓋，預先提著一大桶水，按沖廁制後接著把這一大桶水倒進水箱內，便可驗證是否與水箱水位高低有關了。

2011-08-24 05:44:13 補充：
4. 氣喉被截封。
同樣地，我本人並不認同此一理由，因為題主說小便時去水正常。

5. 廁所咀塞。
沒否定資料。

6. 廁所用地去水塞橫渠。
題主可以看看是否地去水，看能否否定此一推斷。

7. 閣下的是劏房，駁錯渠。
不成立，因為未換坐廁之前正常。

而且題主你仍未就我的假設作出回應，是否替你裝坐廁的師傅已告訴過你將會塞去水，請勿隱瞞，以免浪費大家時間。

2011-08-24 05:57:38 補充：
可能題主你及其他所有回答者都不察覺，你的問題問得比較奇怪。
再說一次，請勿隱瞞甚麼，我說我是分析專家可不是說笑的。
我會告訴你我覺得奇怪的原因在那裏，而且大家不會怪責你。
坦白從寬嘛，哈哈。

2011-08-24 23:15:44 補充：
好，信住你先。弊！我個水喉師傅啱啱喺一間新入伙屋邨幫我cut咗個客條氣喉，係8樓嚟，全棟應該有30樓左右。但係我沖過好多次水，又真係唔覺有問題喎，不過我會求證，如果證實去水阻力真係差咁遠，我會諗吓有乜計仔，無計可施我會痛陳利害等個客自己去做呢個痛苦的決擇。

多謝大文兄指點！

不過我就點都唔信多七成阻力，因為d水唔係好似活塞咁推d水出去，出到企身大喉d水唔會霸哂成條喉沖落樓，喉內有空間回風。七成只係活塞理論。

2011-08-26 10:05:16 補充：
大文兄，你覺得題主點解唔回應我叫佢做既分析呢？唔分析、唔回應咁人地點幫佢呢？你會唔會覺得題主初期回應，後期唔回應，有些少耐人尋味呢？你覺得題主其實係咪根本發出問題之前就已經知道塞渠既原因呢？

2011-08-26 18:29:12 補充：
我睇而家呢位發問者應該係有d嘢唔肯講出嚟，咁大家唯有企哂喺度。

2011-08-27 05:27:41 補充：
我唔同意，如果佢係果個師傅而搞成咁，佢屋企人會用廁所泵嚟泵既係佢塊面而唔係果個坐廁。

睇吓水箱的水是否足夠，通常水箱內有條水線。
如果水唔到水線，調高些。

我諗可能係水壓唔夠大嘅問題, 我唔知你住喺幾多樓, 不過長遠都係: 一係搵啲師傅檢查一下, 二係去管理處問吓.
*以上純粹猜測, 我唔識呢方面嘅嘢嘅.

2011-08-23 17:22:20 補充：
唔搵得原先個師傅就搵過另一個吧.

To Olive

因某原因不能向換坐廁的師傅投訴

2011-08-23 17:01:22 補充：
除了向師傅投訴外~還會有方法解決嗎??