應唔應分開？

我同老公結左婚 2 年，有 2 個囝囝，大囝 19 個月，細囝剛剛滿月。

10 個月前，當時因為新屋裝修中，所以我同大囝暫住我媽媽家，而我老公初時就暫住他的弟弟家，到新屋完成裝修有 80% 時，老公就自己住未完成裝修的新屋中，有一日，有新家俬送貨到新屋，所以我由我媽媽家返回新屋等候家俬送來時，我發現張床有一隻女裝手扼，我驚到手都震埋，然後打電話比我老公，佢解釋左一個好難相信既解釋，表面上我相信佢個白痴解釋。

新屋入伙後一個星期，我發現自己懷第二胎，兩個月後，我開始好吃力，因為湊住當時只有 10 個月大既大囝囝，自己又開始懷孕，醫生又叫我唔好抱大囝，要休息多 D，所以我將大囝交由我媽媽照顧，然後我就出公司到幫老公手，一個星期才帶大囝返屋企住兩日，接送大囝的交接時，我會有兩晚返到我媽媽家過夜，第二日才帶大囝回家。

每逢我由我媽媽家返到自己家時，我開始發現屋企我個風筒比人用過，因為我老公係唔會吹頭，所以風筒既擺位唔同左，同埋風筒條電線既撬發唔同左。到我沖涼時，當我一開水時，竟然花灑同頭頂上的花灑同時出水，如果一個人沖涼又點會調較到兩邊花灑同時出水？到我沖完涼時，我開始發現我既護墊用得特別快，我無即時同老公對質，我等到我返媽媽家之前既一刻，我將護墊數一次有餘下 10 塊，然後再將風筒既擺位比平時放得入一點。

到我由媽媽家過了一晚夜後才返自己家，我立即再數一次護墊，只餘下 9 塊，再檢查風筒，真係比人用過，我立即同老公對質，老公既解釋係話我自己記錯護墊既數量，而個風筒係佢用既，同老公相處咁耐，我從未見過佢吹頭，佢既白痴解釋，我表面上再次相信佢。

到我生完細囝後，我返回媽媽家坐月，到細囝有三個星期大時，星期曰我帶兩個囝囝返屋企同老公玩，我就幫我老公洗衫，到第四個星期我又帶囝囝返屋企，我又幫老公洗衫，我完部衫掛起時，發現老公只有 4 條內褲，4件衫，即是代表有幾晚佢無返屋企瞓，然後我問我老公，係咪有幾晚無係屋企瞓，佢答我無 D 咁既事，之後我再無出聲。

我差不多坐月完，我應唔應返屋企，但係我兩個囝仲好細個，我應該點做好？