我住公屋, 隔離屋偷養狗, 可以去邊投訴?????????

首先，你條邨係全公屋邨定係可租可買既公屋邨。如果係可租可買既，咁就無得行扣分制。有咩事都係業主立案法團話事。呢類情況無意見可以俾你。

如果你係住全租公屋，咁又要再細分係房署管係外判公司管。如果係外判公司管，你可以先打去房署投訴外判公司，通常呢種情況，外判公司都會好快做野。

如果係房署自已管，咁你就睇下個區長點處理。唔處理既，你可以先向房署總部投訴，如果再無進展既，就可以向申訴專員公署投訴。

補充：所謂批准係公屋養，係指2003年或之前已經係度養緊既狗仔，當中唔包括大狗同格鬥狗。

房署收到投訴後，佢地有服務承諾要限住時間覆返你。所以佢地唔會唔做。

你問家訪後係咪即係等於無事，呢個問題真係有少少難答。坦白講，不論私人屋苑定係公屋，如果上去家訪果下無發現，個案就只有終結。盡責既會幫你留意多一段時間。但問題係如果個住戶刻意去玩，隔一段時間後又養狗，咁我諗做起上黎真係好難。(補充一點：房署針對狗隻既扣分制係唔駛先警告後扣分既，即係一發現單位有未批准養既狗，就可以即扣分)

據知房署其實一直有突擊檢查，而且仲有請便衣人員去跟進非法養狗既情況。

其他意見就係 (1)記得唔好自己出面去同果個住戶嘈，一嘈就係自己蝕底。(2)記得留低你既聯絡方法俾幫你處理投訴既人，仲要記得要求回覆。因為如果你匿名投訴，到時有無做到都無人知。到你再投訴既時候，人地有機會話無收過投訴....

2011-08-26 11:20:28 補充：
2011-08-22 19:59:16 補充

我的公屋是租者置其屋的類型,但以我所知係勁多人都冇買....冇買應該係房署管????????????
但我有朋友話打去樓下 管理處,管理處就会上黎查同要求14天內搬走隻狗...
而且我自己本身真係一見到狗就會嚇到喊的人...我宜家驚到5敢出門口...

無買只係代表房署係業主，負責管理既依然係法團同管理處。由於己經賣左，所以扣分制或房署養狗既政策係呢類屋苑係唔適用。一切以法團同管理處為依歸。

2011-08-26 11:20:35 補充：
其實你既情況好睇你管理處同法團既態度。有好多私人屋苑都有人養狗，但就隻眼開隻眼閉，因為好多時法團都唔想做，做一單狗隻case，合作既就好。唔合作既就要引用大廈公契，同佢打官司。打完就算贏左，都要駛好多錢同埋釘佢契。除非叫到法庭頒禁制令，所有狗隻一律不准進入屋苑。但咁既影響又會好大。

講左咁多私人屋苑既做法，其實係想話你知，賣左既公屋同私人屋苑既情況差唔多，但私人屋苑都叫做有自己既邊界，公屋邨本身設計就好開放。要做到好似私人屋苑咁，好有難度。

建議你打去管理處投訴左先啦~~睇下佢有咩行動再講。

1. 所以唔好同我講隻狗有生命, 我投訴好殘忍[係GE 真係要用投訴兩字]

2. 佢隻狗好臭, 而家夏天剛剛開始已經臭到成條走廊都係狗臭
[香港一到夏天時 狗如果唔再沖涼GE 就會出現狗臭問題]

3. 隻狗吠到癲, 明知隻狗會吠影響到人都要為左自己快樂而養狗
根本不負責任, 將自己快樂建築O係別人痛苦身上
隻狗就好似一個放o係身邊但又唔知佢幾時響, 關唔到o既鬧鐘
係咁嘈, 遲早精神分裂
[D狗係到叫 你可以去漁農或房署投訴架]

4.請問各位仲可以去邊投訴?
[回上題 你可以去漁農或房署投訴]

6. 佢隻狗冇領D咩合法牌, 問左管理處啦~
管理處話養左好耐果D, 同導盲犬先可以O係我條村合法養狗
[狗係唔可以無領牌架 香港都有條例啦 你諗諗 如果有一間鋪頭仔無攞牌 你估下會點? 咪會坐牢Lo]

7. 管理處D職員仔話, 如果佢地關左門都咁臭, 冇計
佢地只會叫看更上去叫佢地關門, 好過份囉
[佢地關門都會臭 仲要叫個人上去叫佢地關門 不如叫個隻狗主人帶佢去沖涼 咪唔洗咁臭....]

8.(A)請問有無人知房署收到人投訴有人o係公屋養狗, 之後隔幾耐先會家訪??
(B)家訪後係咪即係等於無事??
(C)會唔會再有人黎, 突擊檢查??
(D)仲有d咩要注意??
[ A. 大約3至6個月到]
[ B. 係 因為我有個blog友話樓上有d問題影響左佢屋企 所以佢成日叫房屋黎黎黎]
[ C. 應該係無]
[ D. 無架啦 唔洗咁緊張 無咩要注意]

希望以上我打出黎GE 可以幫到你啦








2011-08-22 22:37:56 補充：
Oh
咁你話你朋友打電話同個管理員講
佢話14天攞走隻狗
你再等等14日啦

見你寫到咁,真係無限同情,但係實情你投訴左,要得房署查都要
三,五個月啦!重點係多數不了了之,投訴接受,一切照舊.況且養
狗既人意志超強,一定同你鬥到底,如果真的很困擾,試找一些區
議員調解一下,心平氣和對大家都有好處.或是調遷相避,不要造
成自已太大壓力,發生不愉快事件就不值得啦!