化妝新體驗..請各姐姐指點 >///<

妳好啊^^~
其實我同妳都好似架XDD
我都係成2X歲先開始學化妝護膚，但我而家已經係一位化妝美容師，希望我可以幫到妳啦^^~

其實妳都幾清楚自己既膚質，因為普遍敏感皮膚都係因為乾而引起，所以聽妳所講既，妳係屬於乾性膚質既，但因為未見過妳，所以我只係照妳形容既黎判斷^^"
妳搽完cream之後會起粒粒，係因為妳毛孔堵塞，所以有咁既情況，當中原因亦可能係因為妳清潔既時候唔夠乾淨啦~ 或者妳平時護膚步驟有漏洞啦~ 都有機會造成既。
太好喇~!! 見到妳有早晚洗面^^~ 如果可以用埋爽膚水同lotion就更好喇~!! 其實要皮膚護理返好，好簡單，只要用岩適合妳膚質既產品、用岩手法、做返正確既護膚步驟就可以架喇^^~
如果妳想知道詳細d，可以email我丫~
因為實在太多野喇...有排打...^^"

1. 其實全礦物粉底係每種膚質既人都岩用既~
我自己而家用緊既都係全礦物粉底黎，幾好用架~
我用緊既就算多搽幾層都好薄，仲有提昇既作用^^~ good啊~!!

2. 粉餅同碎粉既分別係，粉餅係經過壓縮成固體既碎粉，方便拎出街用，因為唔會吹到周圍都係嘛@@" 碎粉就係屋企用多，同埋如果做化妝既用碎粉，人地會覺得你pro d囉~

3. 係化妝前要先做好妝前既護理，包括，清潔、爽膚、lotion、防曬，之後可以選擇性使用粉底液，粉底液係可用可唔用既，之後就係碎粉喇~
如果想要上妝前落妝後唔會好大差別，就一定要做好日常護膚喇^^~

4. 其實化妝品而家好多都無以前既咁傷皮膚架喇~
有d仲甚至有保養成份添~
不過我地都係唔可以忽略卸妝既重要性~
建議每晚都卸妝，不論妳有冇用化妝品。
我都好注重安全既，傷皮膚既我都唔會選用，所以揀左我而家用緊既牌子黎用，因為佢既所有產品都通過哂FDA(美國食物及藥物管理局測試)，奶粉都係經過呢個測試至賣架@@
不過我用緊既牌子無counter係出面賣既...

如果妳想知道詳情或者有咩問題，歡迎妳email我丫^^~
email: [email protected]
希望可以幫到妳啦~
祝福妳^^~

敏感皮膚試下用施巴D SKIN CARE丫
大肚婆/BB仔都用得!!比較無咁易敏感的!!^^

如果你只係番工化少少妝,,只係想皮膚睇落靚D~
可以在護膚後,只用遮瑕產品遮下黑眼圈/暗倉~~
之後可直接上一D 無有害成份的礦蜜粉~
因為此類礦蜜粉不傷皮膚,例如我個隻NYX,
http://hk.f1.page.auctions.yahoo.com/hk/auction/1127125347?u=makeup_point
底層不用塗隔離霜(BASE)~因為唔需要隔開D化妝品~~~
之後輕輕畫一畫眉就OK喇~~

如果你試過NYX D化妝品,,你一定讚!! :D
佢係美國一個好出名GE牌子~日/韓/台灣都有專櫃,,唔知點解HK無..
D野又平又好用!! 係KATE 既價錢,買到MAC既質素!!

得閒可以去睇下丫!^^
http://hk.myblog.yahoo.com/makeup_point/index?l=f&id=4

其實皮膚係通過洗面既步驟時係會流失水份,
所以每日洗完面,其實都應該去做番d日常護理,例如最簡單既塗上一點爽膚水和乳液,去補充番水份!唔一定要塗cream的!
而你係敏感皮膚的,我就建議係去試下一d溫和既純保濕產品,而係買之前,係可以先去不同既鋪頭,親身試下果隻產品,千萬唔好只係聽人講話唔會敏感就買!試既時候,你可以塗少量在頸部和下巴既位,如果無敏感就等如件產品適合你!
1)礦物粉底其實無一定分係乾性定油性使用,不過就一定要去搵適合你膚質既.
而且亦都不一定要使用礦物粉底,你可以去比較一下不同既粉底,睇下自己適合邊種!
2)其實粉餅同碎粉係無分別既!兩種既性質都係一樣!不過只係睇個人中以用邊款,而我個人認為粉餅比較好,因為不論攜帶定使用都比較方便!
3)其實化妝既程序可以複製可以簡單:
簡單:打底(base)-->bb cream/粉底液-->粉餅-->眼線(如果係想氣息好d,可以同埋姻之同唇彩)
複製:打底(base)-->bb cream/粉底液-->粉餅-->畫眉-->眼線-->眼影-->睫毛液-->姻之-->唇彩
4)其實化妝真的好傷皮膚,所以我建議係一回到家就立即卸妝!!而且一定要卸得十分徹底,千萬不可以讓彩妝繼續停留係塊面度!!之後好似我上面錦寫既護膚程序就可以了!!
卸妝:biore既卸妝油,清潔度十足,而且價錢便宜!

首先
我要講聲
我得10幾歲
化妝都係舞台妝為主(演出)
我以下講既係full make-up
而且參考價值唔大
(btw最佳回答已經有40分
唔洗開多個post ga)

起粒粒=你揀錯化妝品
成份問題
唔關佢係日霜定晚霜
只不過主要既成份類似
而產生既誤解
有d係特別d ga
自己去專門店搵啦
(唔想幫人賣廣告)

礦物粉其實都係比較general
買既時候
問清楚counter個d姐姐會好d
我自己唔係敏感
唔多清楚(sorry)

千祈千祈
唔好去s***個間野買啊
一般既皮膚都可能會頂唔順
一定一定去專門店

其他問題有人解過
我唔會再copy&paste咁衰
自己查一題已解決既問題
「粉底液&粉餅」

我好似冇乜點答過=p
所以唔選我係最佳都冇所謂...

市面上
有d OL化妝班
可能岩你ga